കോന്നി: ഇടതു വലതു മുന്നണികളില് അങ്കലാപ്പുയര്ത്തി ശക്തി തെളിയിച്ച് കോന്നിയില് എന്ഡിഎയുടെ റാലി. നിയോജകമണ്ഡലം എന്ഡിഎ സ്ഥാനാര്ത്ഥി അഡ്വ.ഡി.അശോക് കുമാറിന്റെ തെരഞ്ഞെടുപ്പ് പ്രചരണത്തിന്റെ ഭാഗമായി ഇന്നലെ സംഘടിപ്പിച്ച റാലിയാണ് എന്ഡിഎയുടെ ശക്തി വിളിച്ചോതിയത്.
പ്രവര്ത്തകരുടെ ആവേശത്തിന് മുന്നില് പ്രതികൂല കാലാവസ്ഥയും പരാജയപ്പെട്ട കാഴ്ചയാണ് ഇന്നലെ കോന്നിയില് ദൃശ്യമായത്. ചുട്ടുപൊള്ളുന്ന മേടചൂടിനെ വകവെയ്ക്കാതെ മലവെള്ളപ്പാച്ചില് പോലെ ഒഴുകിയെത്തിയ പ്രവര്ത്തകര് കാഴ്ചക്കാരിലും ആവേശമുണര്ത്തി. എലിയറയ്ക്കല് ജംഗ്ഷനില് നിന്ന് ഉച്ചയ്ക് രണ്ടിന് റാലി ആരംഭിക്കാന് ഇരിക്കെ ഒരുമണിയ്ക് തന്നെ പ്രവര്ത്തകര് ഇവിടെ നിറഞ്ഞിരുന്നു. ഇരുചക്ര വാഹനങ്ങളിലെത്തിയ വനിതകള്, കേരളീയ വേഷത്തില് എത്തിയ മഹിളാ മോര്ച്ച പ്രവര്ത്തകര്,എന്ഡിഎ ബാനറിന് പിന്നില്മണ്ഡലം നേതാക്കള്, പ്രധാനമന്ത്രി നരേന്ദ്ര മോഡിയുടേയും,സ്ഥാനാര്ത്ഥി അഡ്വ.ഡി.അശോക് കുമാറിന്റെയും ഫോട്ടോ പ്രിന്റ് ചെയ്ത ടീഷര്ട്ട് ധരിച്ച പ്രവര്ത്തകര്,റോളര് സ്കേറ്റിംങ് സംഘം,തുറന്ന രഥത്തില് മേജര് രവിയും സ്ഥാനാര്ത്ഥി അഡ്വ.ഡി.അശോക് കുമാറും,തൊട്ട് പിന്നില് സ്ത്രീകള്, പുരുഷന്മാര്.ചിട്ടയോടുള്ള റാലി.കോന്നിയില് എന്ഡിഎയുടെ ശക്തി വിളിച്ചോതുന്ന ശക്തി പ്രകടനമായപ്പോള് എതിര് ചേരിയില് അമ്പരപ്പ് ഉളവാക്കുന്നതായിമാറി. അവസരവാദത്തിന്റെ ഒത്തു തീര്പ്പ് രാഷ്ട്രീയം കേരളത്തിന് പരിചയപ്പെടുത്തിയ ഇടത്-വലത് മുന്നണിയ്ക്കെതിരെയും,കേന്ദ്ര സര്ക്കാരിന്റെ ഭരണനേട്ടങ്ങളും വിളിച്ചോതുന്ന മുദ്രാവാക്യങ്ങള് ആവേശ കൊടുംങ്കാറ്റായി മാറി. അണിമുറിയാതെയുള്ള റാലി എന്ഡിഎ തെരഞ്ഞെടുപ്പ് കമ്മറ്റി കണ്വീനര് ജി.മനോജ്, ബിഡിജെഎസ് മണ്ഡലം പ്രസിഡന്റ് ജി.സോമനാഥന്,മഹിളാമോര്ച്ച ജില്ലാ പ്രസിഡന്റ് മിനി ഹരികുമാര് ,എല്ജെപി എസി.എസ് റ്റി സെല് സംസ്ഥാന ചെയര്മാന് എം.റ്റി .മനോഹരന്,ബിജെപി മണ്ഡലം ജനറല് സെക്രട്ടറിമാരായ സി.കെനന്ദകുമാര്, പി.വി.ബോസ്,വൈസ് പ്രസിഡന്റ്മാരായ എന്.കെ.സന്തോഷ്, കെ.കെ.ബാബു,സെക്രട്ടറിമാരായ വി.അനില്, പ്രസന്നന് അമ്പലപ്പാട്ട്, ചിറ്റൂര് കണ്ണന്,എന്നിവര് നയിച്ചു.
