കോട്ടയം: നെല്ലിന്റെ സംഭരണവില യഥാസമയം നല്കാതെ കര്ഷകരെ വഞ്ചിക്കുന്ന സംസ്ഥാനസര്ക്കാരിന്റെ ജനദ്രോഹനയം അവസാനിപ്പിക്കണമെന്ന് ഏറ്റുമാനൂര് നിയോജകമണ്ഡലം എന്.ഡി.എ സ്ഥാനാര്ത്ഥി എ.ജി.തങ്കപ്പന് ആവശ്യപ്പെട്ടു.
ആര്പ്പുക്കര പഞ്ചായത്തിലെ പര്യടനത്തിനിടെ നെല്കര്ഷകര് നല്കിയ സ്വീകരണയോഗത്തില് പ്രസംഗിക്കുകയായിരുന്നു അദ്ദേഹം. സംഭരണ വിലയിലെ കേന്ദ്രവിഹിതം കൃത്യമായി നല്കിയിട്ടും സംസ്ഥാന സര്ക്കാര് തങ്ങളുടെ വിഹിതം നല്കാന് കൂട്ടാക്കാത്തത് അപലപനീയമാണ്. സംഭരണവിലയുടെ മൂന്നില് രണ്ടുഭാഗം കേന്ദ്രവിഹിതമാണ്. ശേഷിക്കുന്നത് കിലോഗ്രാമിന് 7.40 രൂപ പ്രകാരമുള്ള തുകയാണ്. ഇതു കൃത്യമായി നല്കാന് കൂട്ടാക്കാത്തത് സാമ്പത്തീക പരാധീനതകൊണ്ടല്ല, മറിച്ച് കാര്ഷികമേഖലയോടുള്ള അവഗണനയാണെന്നും അദ്ദേഹം കുറ്റപ്പെടുത്തി. വാര്യാമുട്ടം ശ്രീഭദ്രകാളി ക്ഷേത്രപരിസരത്തുനിന്നാണ് സ്ഥാനാര്ത്ഥിയുടെ മൂന്നാം ദിവസത്തെ മണ്ഡലപര്യടനത്തിന് തുടക്കം കുറിച്ചത്. എന്.എസ്.എസ് കരയോഗം മുന്പ്രസിഡന്റ് എന്.നാരായണപണിക്കര് ഉദ്ഘാടനം ചെയ്തു. ബി.ജെ.പി നേതാക്കളായ റെജി പൊടിപാറ, തിരുവഞ്ചൂര് വിപിനചന്ദ്രന്, മനോജ് നീണ്ടൂര്, സതീശന് ആര്പ്പുക്കര, ബി.ഡി.ജെ.എസ് നേതാക്കളായ ജില്ലാ സെക്രട്ടറി വി.എം ശശി, ഷൈലജ രവീന്ദ്രന്, പി.അനില്കുമാര്, ജിജിമോന് ഇല്ലിച്ചിറ, സുരേഷ് വട്ടയ്ക്കല് എന്നിവര് പ്രസംഗിച്ചു. ആര്പ്പുക്കര, അമ്പലക്കവല, മെഡിക്കല് കോളേജ് ജംഗ്ഷന്, പനമ്പാലം, കേലോട്ടമ്പലം, മണലേല്പ്പള്ളി, മണിയാപറമ്പ് സൂര്യക്കവല, പിണഞ്ചറക്കുഴി, തൊമ്മന്കവല, വില്ലൂന്നി, ഇല്ലിച്ചുവട്, വിരാട് അമ്പലം, പെരുമ്പടപ്പ് വഴി വൈകിട്ട് തൊണ്ണന്കുഴിയില് പര്യടനം അവസാനിച്ചു.
ഇന്ന് കേന്ദ്ര ആഭ്യന്തരമന്ത്രി രാജ് നാഥ് സിങ്ങ് ഏറ്റുമാനൂരില് എത്തുന്നതുകൊണ്ട് സ്ഥാനാര്ത്ഥിയുടെ പഞ്ചായത്തുതല പര്യടനം ഉണ്ടിയിരിക്കില്ല. 8ന് കുമരകം, 9 ന് നീണ്ടുര്, 10ന് അയ്മനം, 11ന് പടിഞ്ഞാറന്മേഖല, 12ന് ഏറ്റുമാനൂര് നഗരസഭ എന്നിവിടങ്ങളില് പ്രചരണം നടത്തും
