വടകര: മനുഷ്യവിഭവ ശേഷിയാലും പ്രകൃതി വിഭവങ്ങളാലും സമ്പന്നമായ കേരളത്തിന് ഇന്നാവശ്യം കഴിവുറ്റ നേതൃത്വമാണെന്ന് കേന്ദ്ര ആരോഗ്യവകുപ്പ് മന്ത്രി ജെ.പി. നദ്ദ അഭിപ്രായപ്പെട്ടു. എന്ഡിഎ വടകര മണ്ഡലം തെരഞ്ഞെടുപ്പ് കണ് വെന്ഷന് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കേരളം മാറിമാറി ഭരിച്ച ഇടതു വലതു മുന്നണികളുടെ കാഴ്ചപ്പാടില്ലാത്ത നേതൃത്വത്തിന് കീഴില് കേരളം സമസ്ത മേഖലകളിലും തകര്ച്ചയിലേക്ക് കൂപ്പുകുത്തി. വിവിധ മേഖലകളില് കഴിവു തെളിയിച്ച മലയാളികള് അവസരങ്ങള് തേടി മറ്റു ദേശങ്ങളിലേക്ക് ചേക്കേറുന്നത് ഭരണ നേതൃത്വത്തിന്റെ കഴിവുകേട് കൊണ്ടാണ്.
വിദ്യാഭ്യാസ മേഖലയിലും മറ്റും നേടിയ പുരോഗതി നാടിന്റെ വികസനത്തിനായി പ്രയോജനപ്പെടുത്താന് കഴിയാത്തത് കേരളം ഭരിച്ച നേതൃത്വത്തിന്റെ അവസരവാദപരവും പ്രീണനവും നിറഞ്ഞ സമീപനം കൊണ്ടാണെന്നും അദ്ദേഹം പറഞ്ഞു. കേന്ദ്ര ഭരണം കഴിവുറ്റ നേതൃത്വത്തിന്റെ കീഴിലായതോടെ സമസ്ത മേഖലയിലും ഉണ്ടായ ഉണര്വ് കേരളത്തി നും പ്രാപ്യമാകാന് കേരള ഭരണ നേതൃത്വവും മാറേണ്ടതുണ്ടെന്നും അദ്ദേഹം കൂട്ടിച്ചേര്ത്തു. എ.കെ. ശ്രീധരന്മാ സ്റ്റര് പ്രസംഗം പരിഭാഷപ്പെടുത്തി.
കൃഷ്ണകൃപാ ഓഡിറ്റോറിയത്തില് നടന്ന കണ്വെന് ഷനില് പി.എം. അശോകന് അദ്ധ്യക്ഷത വഹിച്ചു. വടകര മണ്ഡലം സ്ഥാനാര്ത്ഥി അഡ്വ എം. രാജേഷ്കുമാര്, നാദാപുരം മണ്ഡലം സ്ഥാനാര്ത്ഥി എം.പി. രാജന്, കടത്തനാട് ബാലകൃഷ്ണന്, പി.എം. രവീന്ദ്രന്, ബാബു പൂതംപാറ, ടി.എ. നാരായണന്മാസ്റ്റര്, ജിജേന്ദ്രന്, പ്രകാശന് മാസ്റ്റര്, കെ.ടി. ഹാരിസ്, ടി.കെ. പ്രഭാകരന് മാസ്റ്റര്, ഒഞ്ചിയം ശിവശങ്കരന്, അടിയേരി രവീന്ദ്രന്, എ.പി. രാമചന്ദ്രന്, കൗണ്സിലര്മാരായ പി.കെ. സിന്ധു, വ്യാസന് പുതിയപുരയില്, ശ്യാംരാജ്, രഗിലേഷ് അഴിയൂര് എന്നിവര് സംസാരിച്ചു.
