മുണ്ടക്കയം: അഴിമതി രഹിത വികസനാണ് പൂഞ്ഞാര് മണ്ഡലത്തില് ആവശ്യമെന്നും അത് മനസിലാക്കുന്ന പൂഞ്ഞാര് ജനത മാറ്റത്തിനായി വോട്ട് രേഖപെടുത്തുമ്പോള് വിജയം ഉറപ്പാണെന്നും എന്ഡിഎ സ്ഥാനാര്ഥി എം.ആര് ഉല്ലാസ് പറഞ്ഞു പ്രസ് ക്ലബ്ബ് നടത്തിയ മുഖാ മുഖം പരിപാടിയില് മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം. താന് എംഎല്എ ആയാല് റബ്ബര് വിലയിടിവ് മൂലം കഷ്ടപെടുന്ന കര്ഷകര്ക്കായി പ്രത്യേക പദ്ധതികള് ആവിഷ്കരി ക്കുമെന്നും, കുടിവെള്ളക്ഷാമത്തിന് പരിഹാരം, പട്ടയ പ്രശ്നങ്ങള്, ടൂറിസം മേഖലയില് പുതിയ പദ്ധതികള്, പൂഞ്ഞാര് താലൂക്ക് ഓഫീസ്, ശബരി റയില് പാതയിലൂടെ വികസനം എന്നിവ സാധ്യമാക്കുമെന്നും എം.ആര് ഉല്ലാസ് പറഞ്ഞു
ഇടതുപക്ഷ മുന്നണിയില് ആദര്ശങ്ങള് നശിച്ചു തുടങ്ങിയ തോടെയാണ് താന് വേറിട്ട വഴി തിരഞ്ഞെടുത്തത്. ഇത് എല്ലാ ജനങ്ങളും ഇതേ മാറ്റങ്ങള്ക്കായി ആഗ്രഹിക്കുന്ന സാഹചര്യമാണ് നിലനില്ക്കുന്നത്. മുമ്പ് ബ്ലോക്ക് പഞ്ചായത്തില് സിപിഎം സ്ഥാനാര്ത്ഥിയായി മല്സരിച്ചിട്ടുളള താന് സിപിഎമ്മിന്റെ അക്രമ രാഷ്ട്രീയത്തില് മനം മടുത്താണ് ആ പാര്ട്ടിയുമായുളള ബന്ധം ഉപേക്ഷിച്ചത്. കാല് നൂറ്റാണ്ടുകാലം എംഎല്എയായ പി.സി.ജോര്ജ് മണ്ഡലത്തിനു ഗുണകരമാവുന്ന കാര്യമായ പദ്ധതികള് ഒന്നും ചെയ്തിട്ടില്ല. ഇരുപത്തിയഞ്ചു വര്ഷം നല്കിയിട്ടും ഒന്നും ചെയ്യാത്ത ജോര്ജ് വീണ്ടും അവസരം തന്നാല് വേണ്ടത് ചെയ്തു കൊളളാമെന്നു പറയുന്നതില് എന്തു ന്യായമാണുളളതെന്നും ഉല്ലാസ് പറഞ്ഞു.
