മുക്കം: എന്ഡിഎ തിരുവമ്പാടി മണ്ഡലം തെരഞ്ഞെടുപ്പു കണ്വന്ഷന് നാളെ നടക്കുമെന്ന് നേതാക്കള് മുക്കത്ത് വാര്ത്താ സമ്മേളനത്തില് അറിയിച്ചു.
കോടഞ്ചേരി മരിയന് ഹാളില് മൂന്നു മണിക്കാരംഭിക്കുന്ന കണ്വന്ഷന് ബിജെപി മംഗലാപുരം എംപി നളിന് കുമാര് കട്ടീല് ഉദ്ഘാടനം ചെയ്യും. ബിജെപി ദേശീയ നിര്വ്വാഹക സമിതി അംഗം സി.കെ. പത്മനാഭന്, ബിഡിജെഎസ് സംസ്ഥാന പ്രസിഡന്റ് തുഷാര് വെള്ളാപ്പള്ളി, സന്തോഷ് അരയാക്കണ്ടി തുടങ്ങിയവര് പങ്കെടുക്കും. എന്ഡിഎ തിരുവമ്പാടി മണ്ഡലം സ്ഥാനാര്ത്ഥി ഗിരി പാമ്പനാല് നിയോജക മണ്ഡലത്തിലാകെ രണ്ടുവട്ടം പര്യടനം നടത്തിക്കഴിഞ്ഞതായി ഭാരവാഹികള് അറിയിച്ചു. മലയോരമണ്ഡലമായ തിരുവമ്പാടി വികസന കാര്യത്തിലും മറ്റു കാര്യങ്ങളിലും വലിയ പ്രതിസന്ധി നേരിടുക യാണെന്നും ഇടതു, വലതു മുന്നണികളുടെ മാറി മാറിയുള്ള ഭരണത്തിലാണ് ഈ ദുരവസ്ഥ ഉണ്ടായതെന്നും നേതാക്കള് പറഞ്ഞു. ജനങ്ങള് ഈ അവസ്ഥയ്ക്ക് മാറ്റം ആഗ്രഹിക്കുന്ന സാഹചര്യത്തില് എന്ഡിഎക്ക് വലിയ പ്രതീക്ഷയാണുള്ളതെന്നും നേതാക്കള് പറഞ്ഞു.
ചേറ്റൂര് ബാലകൃഷ്ണന് മാസ്റ്റര്, ബാബു മൂലയില്, മധു മൈക്കാവ്, ബാലകൃഷ്ണന് വെണ്ണക്കോട്, പി.എ. ശ്രീധരന് സി.കെ. വിജയന്, ഭാസി എന്നിവര് വാര്ത്താസമ്മേളനത്തില് പങ്കെടുത്തു
മുക്കം: തിരുവമ്പാടി നിയോജക മണ്ഡലത്തിലെ എന്ഡിഎ സ്ഥാനാര്ത്ഥി ഗിരി പാമ്പനാല് കൊടിയത്തൂര്, കാരശ്ശേരി പഞ്ചായത്തുകളില് പര്യടനം നടത്തി. ബിജെപി മണ്ഡലം പ്രസിഡന്റ് ബാബു മൂലയില്, ഉണ്ണികൃഷ്ണന് വാപ്പാട്, പ്രശാന്ത് പണിക്കര് ,ബിജു കെ.നായര്, വാസു മൂലയില്, സത്യന് ദേവന്, ഷൈജു, ലിജു തുടങ്ങിയവര് സ്ഥാനാര്ത്ഥിയെ അനുഗമിച്ചു.
