നാദാപുരം: നാദാപുരം കാത്തിരിക്കുന്നത് ശക്തമായ ത്രികോണ മത്സരത്തിന്. ബിജെപിയും ഇടതു വലതു മുന്നണികളും സ്ഥാനാര്ത്ഥികളെ പ്രഖ്യാപിച്ചതോടെ മത്സരം മുറുകുമെന്നുറപ്പായി. ബിജെപി സ്ഥാനാര്ത്ഥി എം.പി. രാജന് തന്റെ ആദ്യഘട്ട പ്രചരണ പ്രവര്ത്തനങ്ങളുമായി ഏറെ മുന്നേറിക്കഴിഞ്ഞു.
ബിജെപി മേഖലാ സെക്രട്ടറിയായ എം.പി. രാജന് അമ്പലക്കുളങ്ങര മീത്തലെപറമ്പില് പരേതനായ കേളപ്പന്റെയും ദേവിയുടെയും മകനാണ്. ആര്എസ്എസ് പ്രവര്ത്തനത്തിലൂടെയാണ് രാജന് പൊതുരംഗത്ത് സജീവമാകുന്നത്. നാദാപുരം, കുറ്റിയാടി മേഖലകളിലെ കമ്യൂണിസ്റ്റ് കോട്ടകളില് ആര്എസ്എസ് പ്രവര്ത്തനം മുന്നേറിയ കാലഘട്ടം സംഘര്ഷങ്ങളുടേതുമായിരുന്നു. സിപിഎം പാര്ട്ടി ഗ്രാമങ്ങളില് മറ്റൊരു പ്രസ്ഥാനത്തെ പ്രവേശിപ്പിക്കില്ലെന്ന വാശിക്ക് മുന്നില് മുട്ടുമടക്കാന് തയ്യാറല്ലെന്ന വെല്ലുവിളി ഏറ്റെടുത്ത് പ്രവര്ത്തിച്ചവരുടെ മുന്നിരയില് രാജനുമുണ്ടായിരുന്നു. ആര്എസ്എസ് നാദാപുരം താലൂക്കിന്റെ വിവിധ ചുമതലകള് വഹിച്ചിരുന്നു. 1994ല് സിപിഎമ്മുകാര് കൊലപ്പെടുത്തിയ ആര്എസ്എസ് കുന്നുമ്മല് ഖണ്ഡ് കാര്യവാഹ് എം.പി. കുമാരന് രാജന്റെ സഹോദരനാണ്.
കുറ്റിയാടി കുഞ്ഞിമഠം ക്ഷേത്രത്തിന്റെ വൈസ്പ്രസിഡന്റ്, വട്ടോളി വ്യാസവിദ്യാപീഠത്തിന്റെ മാനേജിംഗ് കമ്മിറ്റി വൈസ്പ്രസിഡന്റ് എന്നീ ചുമതലകളും രാജന് വഹിക്കുന്നു. കുറ്റല്ലൂര് ആദിവാസി സമരത്തിന്റെ മുന്നിരയിലുണ്ടായിരുന്നു അദ്ദേഹം. 2011ല് വടകരയില് നിന്ന് നിയമസഭയിലേക്ക് ബിജെപി സ്ഥാനാര്ത്ഥിയായി മത്സരിച്ചിട്ടുണ്ട്. സറീനയാണ് ഭാര്യ ആയുര്വേദ വിദ്യാര്ത്ഥിനി സംഘമിത്ര, ധാര്മിക്(വ്യാസവിദ്യാപീഠം വട്ടോളി) എന്നിവര് മക്കളാണ്.
കെപിസിസി സെക്രട്ടറിയായ അഡ്വ. കെ. പ്രവീണ്കുമാറാണ് മണ്ഡലത്തിലെ യുഡിഎഫ് സ്ഥാ നാര്ത്ഥി. ആദ്യമായാണ് പ്രവീണ് തെരഞ്ഞെടുപ്പ് അങ്കത്തിനിറങ്ങുന്നത്. കെഎസ്യു കൊയിലാണ്ടി താലൂക്ക് സെക്രട്ടറിയായാണ് പൊതുരംഗത്തെത്തിയത്. കെഎസ്യു ജില്ലാ സെക്രട്ടറി, യൂത്ത് കോണ്ഗ്രസ് സംസ്ഥാന ജനറല് സെക്രട്ടറി എന്നീ സ്ഥാനങ്ങള് വഹിച്ചിട്ടുണ്ട്. ജില്ലാ ടൂറിസം പ്രമോഷന് കൗണ്സില് അംഗം, കോഴിക്കോട് മെഡിക്കല് കോളജ് വികസന സമിതി അംഗം, എയര്പോര്ട്ട് അഥോറിറ്റി ഉപദേശക സമിതി അംഗം, കൊയിലാണ്ടി താലൂക്ക് മാര്ക്കറ്റിംഗ് സൊസൈറ്റി ഡയറക്ടര് എന്നീ ചുമതലകളും വഹിച്ചിട്ടുണ്ട്.
സിറ്റിംഗ് എംഎല്എയും സിപിഐ സംസ്ഥാന കൗണ്സില് അംഗവുമായ ഇ.കെ. വിജയനാണ് നാദാപുരത്ത് എല്ഡിഎഫ് സ്ഥാനാര്ത്ഥിയായി വീണ്ടും ജനവിധി തേടുന്നത്. വടകര മണിയൂരിലെ മുതുവനയില് ടി.വി. ബാലകൃഷ്ണ കിടാവിന്റെയും ഇ.കെ. കമലാക്ഷിയുടെയും മകനാണ് അറുപത്തൊന്നുകാരനായ വിജയന്. എഐഎസ്എഫിലൂടെയാണ് പൊതുപ്രവര്ത്തനരംഗത്ത് എത്തിയത്.— എഐഎസ്എഫിന്റെ വിവിധ ചുമതലകള് വഹിച്ചു. ദീര്ഘകാലം ജനയുഗം പത്രത്തിന്റെ കോഴിക്കോട് യൂണിറ്റ് മാനേജരായി പ്രവര്ത്തിച്ച വിജയന് മെഡിക്കല്കോളേജ് വികസനസമിതി,— ആര്ടിഎ മെമ്പര്, സംസ്ഥാന വനംവികസന കോര്പറേഷന് ചെയര്മാന് എന്നീ നിലകളിലും— പ്രവര്ത്തിച്ചു. ഭാര്യ: അനിത (സി-ആപ്റ്റ് യുഡി ക്ലര്ക്ക്). മക്കള്: അര്ജുന് (എയറോ—നോട്ടിക്കല് എന്ജിനീയര്), അജയ് (പ്ലസ്ടു വിദ്യാര്ത്ഥി). പതിറ്റാണ്ടുകളായി സിപിഐയെ ജയിപ്പിച്ച മണ്ഡലത്തില് ഏറെ ചര്ച്ചാ വിഷയമാവുന്നത് വികസനപിന്നാക്കാവസ്ഥതന്നെയാണ്.
