കൊല്ലം: സംസ്ഥാനത്തെ ലക്ഷകണക്കിന് വരുന്ന വാണിജ്യ വ്യാപാരസ്ഥാപന തൊഴിലാളികളുടെ മിനിമം വേജസ് അടിയന്തിരമായി പരിഷ്കരിക്കണമെന്ന് ബിഎംഎസ് സംസ്ഥാന വൈസ് പ്രസിഡന്റ് ബി.ശിവജിസുദര്ശനന് ആവശ്യപ്പെട്ടു. ബാര് നിരോധനത്തിലൂടെ തൊഴില് നഷ്ടപ്പെട്ട തൊഴിലാളികളെ പുനരധിവസിപ്പിക്കുക ജോലിസമയം എട്ടുമണിക്കൂറായി ക്രമീകരിക്കുക, എല്ലാ തൊഴിലാളികളെയും ഇഎസ്ഐ-പി.എഫ് പദ്ധതിയില് ഉള്പ്പെടുത്തുക ക്ഷേമനിധി പ്രവര്ത്തനം കാര്യക്ഷമമാക്കുക എന്നീ ആവശ്യങ്ങള് ഉന്നയിച്ച് കൊണ്ട് വാണിജ്യവ്യവസായ മസ്ദൂര് സംഘ് ജില്ലാ കമ്മിറ്റിയുടെ നേതൃത്വത്തില് ചിന്നക്കടയില് നടന്ന കൂട്ടധര്ണ ഉദ്ഘാടനം ചെയ്യുകയായിരുന്നു അദ്ദേഹം. യൂണിയന് ജില്ലാ പ്രസിഡന്റ് ആര്.പ്രസന്നന് അദ്ധ്യക്ഷത വഹിച്ചു. യൂണിയന് ജനറല് സെക്രട്ടറി പി.കെ.മുരളീധരന്നായര്, ബിഎംഎസ് നേതാക്കളായ പി.ജയപ്രകാശ്, ടി.രാജേന്ദ്രന്പിള്ള, ജെ.തങ്കരാജ്, ടി.ആര്.രമണന്, ജെ.അനില്കുമാര്, എസ്.സുന്ദരന് എന്നിവര് സംസാരിച്ചു.
ഷോപ്പ് തൊഴിലാളികളുടെ മിനിമം വേജസ് പരിഷ്കരിക്കണം: ബിഎംഎസ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.