ആലപ്പുഴ: സംസ്ഥാന നിയമസഭാ തെരഞ്ഞെടുപ്പില് ജില്ലയിലെ നിയോജക മണ്ഡലങ്ങളിലെ തെരഞ്ഞെടുക്കപ്പെട്ട പോളിങ് സ്റ്റേഷനുകളില് ഇത്തവണ സമ്മതിദായകരെ കാത്തിരിക്കുന്നത് ഒട്ടെറെ പുതുമകള്. ജില്ലയിലെ ഒന്പത് നിയോജകമണ്ഡലങ്ങളിലും മാതൃകാ പോളിങ് സ്റ്റേഷന് ഒരുക്കുന്നുണ്ട്. ഓരോ നിയോജകമണ്ഡലത്തിലും തെരഞ്ഞെടുക്കപ്പെട്ട അഞ്ചുപോളിങ് സ്റ്റേഷനുകള് വീതം മാതൃകാ പോളിങ് സ്റ്റേഷനുകളാണ്.
പോളിങ് സ്റ്റേഷനു മുന്നില് സ്വാഗതമെഴുതിയ പ്രത്യേക ബോര്ഡും ലൊക്കേഷന് മാപ്പുമുണ്ടാകും. തുടര്ന്ന് ഹെല്പ് ഡെസ്ക്കും അന്പത് പേര്ക്ക് ഇരിക്കാനുള്ള പന്തലും സജ്ജമാക്കും. ദാഹിക്കുന്നവര്ക്ക് ദാഹമകറ്റാന് കുടിവെള്ള സംവിധാനവും പോളിങ് സ്റ്റേഷനുമുന്നില് സമ്മതിദായകര്ക്ക് അഭിപ്രായങ്ങള് രേഖപ്പെടുത്താന് പ്രത്യേക പെട്ടിയും പേനയും ഉണ്ടാകും. ഫസ്റ്റ് എയ്ഡ് ബോക്സും ചൂടിനെ പ്രതിരോധിക്കുന്നതിനായി പ്രത്യേക നിര്ദേശങ്ങളും ഒരുക്കും. പ്രായമായവര്ക്കും ശാരീരികമായി വെല്ലുവിളികള് നേരിടുന്നവര്ക്കും വീല്ചെയറിന്റെ സഹായവും ഇവരെ സഹായിക്കുന്നതിനായി എന്സിസി-സ്റ്റുഡന്റ് പൊലീസ് കേഡറ്റുമാരുടെയും സേവനമുണ്ടാകും. പുരുഷന്മാര്ക്കും സ്ത്രീകള്ക്കും പ്രത്യേക ടോയ്ലെറ്റുകള് സ്ഥാപിക്കും.
അരൂര് നിയോജക മണ്ഡലത്തിലെ മാതൃകാ പോളിങ് സ്റ്റേഷനുകള്:
അരൂക്കുറ്റി ഗവ. യുപിഎസ് പടിഞ്ഞാറെ കെട്ടിടവും- വടക്കേ കെട്ടിടവും, തിരുനെല്ലൂര് ഗവ. എച്ച്എസ്എസിന്റെ കിഴക്കും പടിഞ്ഞാറും കെട്ടിടങ്ങള്, എസ്എന്ജിഎം ആര്ട്സ് ആന്ഡ് സയന്സ് കോളജ്.
ചേര്ത്തല നിയോജകമണ്ഡലം: ചേര്ത്തല ടൗണ് എല്പിഎസ്- കിഴക്കെ കെട്ടിടവും, കിഴക്ക് പടിഞ്ഞാറെ കെട്ടിടവും. കൊക്കോതമംഗലം സെന്റ് ആന്റണീസ് എച്ച്എസ്-തെക്ക് വടക്കേ കെട്ടിടങ്ങളും മധ്യഭാഗത്തുള്ള കെട്ടിടവും
ആലപ്പുഴ നിയോജക മണ്ഡലം: കണിച്ചുകുളങ്ങര പെരുന്നൂര് മംഗലം എല്പിഎസ്. തിരുവിഴ പെരുന്നൂര് മംഗലം ഗവ. എല്പിഎസ് വടക്കുഭാഗത്തുള്ള കെട്ടിടവും തെക്ക് ഭാഗത്തുള്ള കെട്ടിടവും. കാട്ടൂര് ഇകെഎസ്എടി എച്ച്ആര്ഡി ട്രെയിനിങ് സെന്റര് പടിഞ്ഞാറെകെട്ടിടത്തിന്റെ വടക്കുഭാഗം, കോമളപുരം ഐക്യഭാരതം എസ്എന് ഓഡിറ്റോറിയം
അമ്പലപ്പുഴ നിയോജക മണ്ഡലം: കളര്കോട് ഗവ യുപിഎസ് തെക്കേ കെട്ടിടം പടിഞ്ഞാറെ ഭാഗം, പുന്നപ്ര ഗവ ജെബിഎസ് വടക്കും തെക്കും ഭാഗത്തുള്ള കെട്ടിടം. പുറക്കാട് എല്എഫ് എല്പിഎസ് പടിഞ്ഞാറും കിഴക്കും ഭാഗത്തുള്ള കെട്ടിടം.
കുട്ടനാട് നിയോജക മണ്ഡലം: ചമ്പക്കുളം സെന്റ് മേരീസ് എച്ച്.എസ്. തെക്കേ കെട്ടിടത്തിന്റെ പടിഞ്ഞാറേ ഭാഗം, ചമ്പക്കുളം തെക്കേക്കര ഗവ.എച്ച്.എസ് വടക്കുഭാഗം, തലവടി ന്യൂ ഗവ. എല്പിഎസ് കിഴക്കെക്കെട്ടിടം, എടത്വാ സെന്റ് അലോഷ്യസ് സ്കൂള് മധ്യഭാഗം, തകഴി ശിവശങ്കരപ്പിള്ള സ്മാരക ഗവ യുപിഎസ് പ്രധാനകെട്ടിടത്തിന്റെ തെക്കേഭാഗം.
ഹരിപ്പാട് നിയോജക മണ്ഡലം: ആനാരി ബ്രഹ്മാനന്ദ വിലാസം എല്പിഎസ്, മണ്ണാറശാല യുപിഎസും, പടിഞ്ഞാറെ കെട്ടിടവും. പള്ളിപ്പാട് ഗവഐടിഐ, ചേപ്പാട് ഗവ.എല്പിബിഎസ്.
കായംകുളം നിയോജകമണ്ഡലം: കീരിക്കാട് രാമപ്രം ഗവ.എച്ച്എസ് വടക്കെ കെട്ടിടവും തെക്കേക്കെട്ടിടവും. കായംകുളം പെരിങ്ങല സി.എസ്. എല്പിഎസ് കിഴക്കും പടിഞ്ഞാറും കെട്ടിടങ്ങള്, കായംകുളം ദേവികുളങ്ങര തെക്കേആഞ്ഞിലിമൂട് ഗവ.എല്പിഎസ്.
മാവേലിക്കര നിയോജകമണ്ഡലം: മാവേലിക്കര ഗവ. എല്പി ഗേള്സ് സ്കൂള് തെക്കേഭാഗവും വടക്കേ ഭാഗവും. പാലമേല് കുടശനാട് ഗവ, എച്ച്എസ്, വള്ളികുന്നം ഇലിപ്പക്കുളം കാംബിശേരി കരുണാകരന് മെമ്മോറിയല് ഗവ. വിഎച്ച്എസ്എസ് കിഴക്കേക്കെട്ടിടവും പടിഞ്ഞാറെ കെട്ടിടവും.
ചെങ്ങന്നൂര് നിയോജക മണ്ഡലം: മാന്നാര് കുട്ടംപേരൂര് ശ്രീ കാര്ത്ത്യായനി വിലാസം എച്ച്എസ് പ്രധാന കെട്ടിടത്തിന്റെ മധ്യ ഭാഗം, മാന്നാര് ചെങ്കിലത്ത് ഗവ. എല്പിഎസ്, തിരുവന്വണ്ടൂര് ഹിന്ദു യുപിഎസ് തെക്കെക്കെട്ടിടം. ചെങ്ങന്നൂര് ഗവ. ഗേള്സ് യുപിഎസ്, വെന്മണി ജൂനിയര് ബേസിക് സ്കൂള്, തെക്കേക്കെട്ടിടം.
