അടൂര്: രാത്രിയില് വീടുകളുടെ മുമ്പില് അശ്ലീല നോട്ടീസ് ഇടുന്നതിന് സിപിഎം ഗ്രാമപഞ്ചായത്തംഗത്തെ പിടികൂടി. പള്ളിക്കല് ഗ്രാമപഞ്ചായത്തിലെ തെങ്ങുംതാര എട്ടാംവാര്ഡ് സിപിഎം മെമ്പര് ആയ തെങ്ങുംതാരയില് അഖില്ഭവനത്തില് അഖില്.എസ്, സഹപ്രവര്ത്തകരായ അനന്ദു, സുധീഷ് എന്നിവരാണ് പിടിയിലായത്. പഴകുളം 828 ാം നമ്പര് ഭഗവതി വിലാസം എന്എസ്എസ് കരയോഗപ്രവര്ത്തകരേയും വനിതാ സമാജം പ്രവര്ത്തകരേയും കുന്നത്തൂര് താലൂക്ക് യൂണിയന് പ്രസിഡന്റടക്കമുള്ളവരെയും മോശമായി ചിത്രീകരിച്ച് രാത്രിയില് വീടുകളുടെ മുമ്പില് നോട്ടീസുകള് ഇടുന്നതിനിടെയാണ് നാട്ടുകാരുടെ പിടിയിലായത്. തെങ്ങുംതാര, പഴകുളം, ആലുംമൂട്, പുള്ളിപ്പാറ, ബിഎം.ജംഗ്ഷന് എന്നിവിടങ്ങളില് വ്യാപകമായി ഇവര് അശ്ലില നോട്ടീസുകള് ഇട്ടിട്ടുണ്ട്. ബൈക്കിലെത്തുന്ന ഇവര് വീടിന് മുമ്പില് നോട്ടീസ് എറിഞ്ഞിടുകയുമാണ് ചെയ്തിരുന്നത്. തെരഞ്ഞെടുപ്പിന് മുന്നോടിയായി എന്എസ്എസിനേയും പ്രവര്ത്തകരേയും തേജോവധം ചെയ്യുന്ന രീതിയില് വ്യാപകമായി നോട്ടീസ് ഇറക്കിയതിനെതിരേ എന്എസ്എസ് കരയോഗം ഭാഗവാഹികളും വനിതാ സമാജം ഭാരവാഹികളും പോലീസില് പരാതി നല്കിയിട്ടുണ്ട്. അന്വേഷണം ആരംഭിച്ചതായി പോലീസ് പറഞ്ഞു.
രാത്രിയില് അശ്ലീല നോട്ടീസ് പതിയ്ക്കല് ; സിപിഎം ഗ്രാമപഞ്ചായത്ത് അംഗത്തെ നാട്ടുകാര് പിടികൂടി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.