വിനീത് ശ്രീനിവാസന്‍ സംവിധാനം നിര്‍വഹിച്ച നിവിന്‍ പോളി ചിത്രം ‘ജേക്കബിന്റെ സ്വര്‍ഗ്ഗരാജ്യം’ത്തിലെ ആദ്യ സോങ്ങ് വീഡിയോ റിലീസ് ചെയ്തു. ‘ഈ ശിശിരകാലം’ എന്ന ഈ ഗാനം ആലപിച്ചിരിക്കുന്നത് വിനീത് ശ്രീനിവാസനും കാവ്യ അജിത്തുമാണ്.
ഹരിനാരായണന്‍ ബി. കെ.യുടെ വരികള്‍ക്ക് ഷാന്‍ റഹ്മാന്‍ ഈണം പകര്‍ന്നിരിക്കുന്നു. മലയാള സിനിമ ഇന്‍ഡസ്ട്രിയിലെ പ്രമുഖ മ്യൂസിക് ലേബല്‍ ആയ Muzik247 (മ്യൂസിക്247) ആണ് ഗാനം പുറത്തിറക്കിയിരിക്കുന്നത്.
‘ജേക്കബിന്റെ സ്വര്‍ഗ്ഗരാജ്യം’ത്തിലെ രണ്ടാമത്തെ ഗാനമാണ് ഇപ്പോള്‍ റിലീസ് ചെയ്തിരിക്കുന്നത്. ചിത്രത്തിലെ ‘ദുബായ്’ എന്ന ഗാനത്തിന്റെ ഓഡിയോ Muzik247 (മ്യൂസിക്247) ഒരു സിംഗിളായി പുറത്തിറക്കിയിരുന്നു. റിലീസ് ചെയ്ത് ഏതാനും മണിക്കൂറുകള്‍ക്കുള്ളില്‍ തന്നെ ‘ദുബായ്’ iTunesന്റെ ഇന്ത്യന്‍ പ്രാദേശിക ഗാനങ്ങളുടെ പട്ടികയില്‍ (iTunes Top 200 Regional Indian) ഒന്നാം സ്ഥാനം നേടി.
വിനീത് ശ്രീനിവാസന്‍ കഥയും തിരക്കഥയും ഒരുക്കി സംവിധാനം ചെയ്യുന്ന ‘ജേക്കബിന്റെ സ്വര്‍ഗ്ഗരാജ്യം’ ദുബായ് പശ്ചാത്തലത്തില്‍ കുടുംബബന്ധങ്ങളെ പ്രമേയമാക്കി അവതരിപ്പിക്കുന്നു. നിവിന്‍ പോളി, രഞ്ജി പണിക്കര്‍, ശ്രീനാഥ് ഭാസി, ലക്ഷ്മി രാമകൃഷ്ണന്‍, സായികുമാര്‍, ടി ജി രവി, ദിനേശ് പ്രഭാകര്‍, അശ്വിന്‍ കുമാര്‍ തുടങ്ങിയവര്‍ താരനിരയില്‍ അണിനിരക്കുന്നു.
പുതുമുഖം റീബ ജോണ്‍ ആണ് നിവിന്‍ പോളിയുടെ നായികയായി അഭിനയിക്കുന്നത്. ഛായാഗ്രഹണം ജോമോന്‍ ടി ജോണും ചിത്രസംയോജനം രഞ്ജന്‍ എബ്രഹാമുമാണ് നിര്‍വഹിച്ചിരിക്കുന്നത്. Muzik247 (മ്യൂസിക്247) ആണ് ഒഫീഷ്യല്‍ മ്യൂസിക് ലേബല്‍. Big Bang Entertainments (ബിഗ് ബാങ്ങ് എന്റര്‍ടൈന്‍മെന്‍സ്)ന്റെ ബാനറില്‍ നോബിള്‍ ബാബു തോമസ് നിര്‍മ്മിച്ച ‘ജേക്കബിന്റെ സ്വര്‍ഗ്ഗരാജ്യം’ പ്രദര്‍ശനത്തിനെത്തിക്കുന്നത് LJ Films Pvt. Ltd. (എല്‍ ജെ ഫിലിംസ് പ്രൈവറ്റ് ലിമിറ്റഡ് ) ആണ്.
പ്രതികരിക്കാൻ ഇവിടെ എഴുതുക: