പനച്ചിക്കാട്: ദക്ഷിണമൂകാംബി ഹിന്ദു മഹാസംഗമം 25മുതല് 27വരെ പനച്ചിക്കാട് ക്ഷേത്രമൈതാനിയില് നടക്കും. വെള്ളിയാഴ്ച രാവിലെ 5.30ന് നടക്കുന്ന ഗണപതി ഹോമ ത്തിനുശേഷം 6ന് സ്വാഗതസംഘം ചെയര്മാന് കെ.എന്. നാരായണന് നമ്പൂതിരി പതാക ഉയര്ത്തുന്നതോടെ മൂന്നുദിവസം നീണ്ടുനില്ക്കുന്ന സംഗമത്തിന് തുടക്കം കുറിക്കും.
6.30ന് വിഷ്ണു സഹസ്രനാമം, 7.30ന് പനച്ചിക്കാട് വിശ്വകര്മ്മ മഹിള സമാജത്തിന്റെ ഭജന, വൈകിട്ട് 4ന് വിശിഷ്ടവ്യക്തികളെ സ്വീകരിച്ച് പരുത്തുംപാറ കവലയില് നിന്നും ആയിരങ്ങള് അണിനിരക്കുന ശോഭായാത്ര. 6ന് കിടങ്ങന്നൂര് വിജയനന്ദാശ്രമത്തിലെ വിജയബോധാനന്ദ തീര്ത്ഥപാദ സ്വാമികള് സംഗമം ഉത്ഘാടനം ചെയ്യും. തുടര്ന്ന് ‘സനാതന ധര്മ്മപഠനം ഗ്രന്ഥങ്ങളിലൂടെ’ എന്ന വിഷയത്തെ ആസ്പദമാക്കി ഡോ. എന്. ഗോപാലകൃഷ്ണന് പ്രസംഗിക്കും. ഗ്രാമപഞ്ചായത്ത് അംഗങ്ങളായ സുമാമുകുന്ദന്, പ്രസീത സി രാജു, ജയശ്രീടീച്ചര്, ലിജി വിജയകുമാര് എന്നിവര് ആശംസകള് അര്പ്പിക്കും. സജന് എസ് നായര് പാത്താമുട്ടം സ്വാഗതവും, എസ്. അഭിജിത്ത് കൃതജ്ഞതയും രേഖപ്പെടുത്തും.
രണ്ടാം ദിവസമായ ശനിയാഴ്ച രാവിലെ 5.30ന് ഗണപതിഹോമം, 6.30ന് പനച്ചിക്കാട് മാതൃസമിതിയുടെ നാരായണീയ പാരായണം, 7.30ന് കോട്ടയം ശിവഗംഗ ഭജന്സിന്റെ ഭജന, വൈകിട്ട് 3ന് ഡാന്സ്, 4.30ന് നാട്ടകം ആഞ്ജനേയ കളരിസംഘത്തിന്റെ കളരിപ്പയറ്റ്, 6.30ന് സത്സംഗ സമ്മേളനം- മാന്നാര് ബ്രഹ്മവിദ്യാ ഗുരുകുലത്തിലെ ആശ്രമാധിപതി ആചാര്യ ഹരിസ്വാമികള് ‘ഹൈന്ദവ പ്രതീകങ്ങളിലെ ആധ്യാത്മിക രഹസ്യം’ എന്ന വിഷത്തല് പ്രഭാഷണം നടത്തും. കെ.യു. ശാന്തകുമാര് പനച്ചിക്കാട് സ്വാഗതവും പി. ജ്യോതിഷ് ചാന്നാനിക്കാട് കൃതജ്ഞതയും രേഖപ്പെടുത്തും.
മൂന്നാം ദിനമായ ഞായറാഴ്ച രാവിലെ 5.30ന് ഗണപതിഹോമം, 6.30ന് പാത്താമുട്ടം ശിവനാരായണ ഭാഗവത സമിതിയുടെ ലളിതാസഹസ്രനാമം, 7.30ന് കോഴിക്കോട് പ്രശാന്ത് വര്മ്മയുടെ മാനസജപലഹരി, 10.00ന് ദേശഭക്തസംഗമം, വൈകിട്ട് 3ന് ചാന്നാനിക്കാട് വിവേകാനന്ദ പബ്ലിക് സ്കൂളിന്റെ കലാസന്ധ്യ, 5ന് പനച്ചിക്കാട് വാണി എന് എസ്എസ് വനിതാ സമാജത്തിന്റെ തിരുവാതിര എന്നിവ നടക്കും. വൈകിട്ട് 6.30ന് നടക്കുന്ന സമാപന സമ്മേളനം വാഴൂര് തീര്ത്ഥപാദാശ്രമം സെക്രട്ടറി ഗരുഡധ്വജാനന്ദ തീര്ത്ഥപാദ സ്വാമികള് ഉത്ഘാടനം ചെയ്യും. ഭാരതീയ വിചാരകേന്ദ്രം സംസ്ഥാന സംഘടന സെക്രട്ടറി കാ.ഭാ. സുരേന്ദ്രന് ‘രാഷ്ട്രവും രാഷ്ട്രീയവും ദേശവും ദേശീയതയും’ എന്ന വിഷയത്തെ ആസ്പദമാക്കി പ്രഭാഷണം നടത്തും. ദിലീപ് വി കൈമള് പാത്താമുട്ടം സ്വാഗതവും എ.ജി. അനീഷ് പനച്ചിക്കാട് കൃതജ്ഞതയും രേഖപ്പെടുത്തും.
പനച്ചിക്കാട് ദേവസ്വം മാനേജര് കെ.എന്. നാരായണന് നമ്പൂതിരി ചെയര്മാനും, സംപൂജ്യ വിജയബോധാനന്ദ തീര്ത്ഥപാദര് സ്വാമികള് മുഖ്യരക്ഷാധികാരിയും എ.ജി. അനീഷ് പനച്ചിക്കാട് ജനറല് കണ്വീനറുമായി 251 അംഗ കമ്മിറ്റിയെ തിരഞ്ഞെടുത്തു.
