അന്ധവിശ്വാസങ്ങള്ക്ക് എതിരെ നിയമമുണ്ടാക്കാന് മുറവിളി കൂടുന്ന ശാസ്ത്ര വിരോധികള് അറിയാന് ശാസ്ത്രങ്ങള് ഒന്നുംതന്നെ ഹൈന്ദവര്ക്ക് മാത്രമായി ഉളളതല്ല. ഭാരതത്തിലെ മുഴുവന് ജനങ്ങള്ക്കും ഗുണഫലങ്ങള് സ്ഥിരീകരിക്കാന് ഉതകുന്ന വിധത്തിലാണ് ആചാര്യന്മാര് അവയെ ചിട്ടപ്പെടുത്തിയിരിക്കുന്നത്. സമൂഹത്തിലെ ഒരു വിഭാഗം ആളുകള് മാത്രം കൈകാര്യം ചെയ്യപ്പെടുന്നു എന്ന അസൂയ ഒന്നുകൊണ്ടു മാത്രം ശാസ്ത്രത്തെ അന്ധവിശ്വാസമായി ചിത്രീകരിക്കാന് ശ്രമിക്കുന്നു. ഏത് ജാതി, മതവിഭാഗത്തില് പെടുന്നവര്ക്കും പഠിക്കുവാനായി ശാസ്ത്ര പഠന കേന്ദ്രങ്ങള് കേരളത്തിലാകമാനം ഉണ്ട് എങ്കിലും ശാസ്ത്രത്തെനശിപ്പിക്കാന് ശ്രമിക്കുന്ന ഈ കപടനാടക ശില്പികളെ അടുത്തറിയുവാന് സമയമായി.
യോഗ എന്നു പറഞ്ഞാല് എല്ലാവര്ക്കും അിറയാം ശരീരത്തിന്റെയും മനസിന്റെയും യോഗമാണത്. ആ യോഗ എന്ന ശരീര ശാസ്ത്രം പതിനായിരക്കണക്കിന് വര്ഷങ്ങള്ക്ക് മുന്പെ ഹൈന്ദവസന്യാസിമാര് ആയുരാരോഗ്യത്തിനായി വികസിപ്പിച്ചെടുത്തതാണ് . ഈ യോഗയിലെ തന്നെ ചില ആസനങ്ങളെ സംയോജിപ്പിച്ച് കൊണ്ട് സൂര്യനമസ്കാരം എന്ന ഒരു വ്യായാമ മുറ ആചാര്യന്മാര് വികസിപ്പിച്ചു. സൂര്യനെ കേന്ദ്രീകരിച്ചാണ് ഭാരതീയ ശാസ്ത്രങ്ങളുടെ എല്ലാം നിലനില്പ്പ്. ആയതിനാല് പ്രഭാതവന്ദനം നടത്തുന്ന ഈ വ്യായാമമുറയ്ക്ക് സൂര്യനമസ്കാരം എന്ന പേര് സ്വീകരിച്ചു.
എന്നാല് എറണാകുളം ജില്ലയില് ഒരു ക്രിസ്ത്യന് ധ്യാനകേന്ദ്രത്തില് ഈ സൂര്യനമസ്കാരം പഠിപ്പിക്കുന്നത് യേശുനമസ്കാരം എന്ന പേരിലാണ് ഭാരതീയ ശാസ്ത്രങ്ങളിലെ കാതല് ഉള്ക്കൊളളാന് വിമുഖത കാണിച്ചിരുന്ന ക്രൈസ്തവ സമൂഹം വൈകി എങ്കിലും അത് ഉള്ക്കൊണ്ട് പ്രചരിപ്പിക്കാന് തുടങ്ങിയപ്പോള് ശാസ്ത്രങ്ങളുടെ പിതൃസ്ഥാനീയനായ സൂര്യനെ മറന്നത് വിവരക്കേട് ഒന്നുകൊണ്ട് മാത്രമാണ്.
ലോകരാഷ്ട്രങ്ങളുടെ തലതൊട്ടപ്പനായ അമേരിക്കയുടെ പ്രസിഡണ്ടിന്റെ കൈവശമുളളത് ഭാരതത്തില് പൂജചെയ്ത് തരപ്പെടുത്തിയ ഹനുമാന് വിഗ്രഹമാണ്. ഭഗവത്ഗീത ശ്ലോകങ്ങള് കേട്ടുകൊണ്ടാണ് White house- അദ്ദേഹം ദിനചര്യ ആരംഭിക്കുന്നത്. നമ്മുടെ നാട്ടിലെ പുത്തന് പരിഷ്കാരികള്ക്ക് മാത്രമാണ് പൗരാണിക സംസ്കാരത്തോട് ഇത്ര പുച്ഛം. ഭാരതീയ പൈതൃകം തുടര്ച്ച നീക്കി മറ്റൊരു പേരില് ഇതേ ശാസ്ത്രവിഷയങ്ങള് അവതരിപ്പിച്ച് കൈയ്യടി വാങ്ങാന് നടത്തുന്ന കരിങ്കാലികളുടെ പ്രവര്ത്തനങ്ങളെ ഒറ്റപ്പെടുത്തേണ്ടതുതന്നെയാണ്. ഭാരതം ഉളള കാലത്തോളം ഭാരതീയ ശാസ്ത്രങ്ങളും നിലനില്ക്കണം.
ഭാരതീയ നാമത്തില് പ്രചരിപ്പിക്കപ്പെടണം. അതിനായുളള പ്രവര്ത്തനങ്ങളില് ഹൈന്ദവ സമൂഹം ഒറ്റക്കെട്ടായി നിലനില്ക്കണം എന്ന സ്വയം മനസ്സിലാക്കേണ്ട സമയം അതിക്രമിച്ചു.
“The God delusion”, Richard Dockins എന്ന സായിപ്പിന്റെ പുസ്തകം പരിഭാഷയെഴുതിയ ശ്രീമാന്. സി.രവിചന്ദ്രന് അതോടെ നിരീശ്വരവാദി ആയി. ആ നിരീശ്വരവാദ നാട്യത്തിന് പിന്നോടിയായി വാസ്തു ശാസ്ത്രത്തെ പുച്ഛിക്കുന്ന ഒരു പുസ്തകം എഴുതി. (വാസ്തുശാസ്ത്രം ചൂഷണത്തിലെ കന്നിമൂലകള്) ബൈബിള് വായിക്കാത്ത ഒരാള് ക്രിസ്ത്യാനിയെ പുച്ഛിയ്ക്കുന്നത് ശരിയായ നടപടിയല്ല.
അതുപോലെ ഖുറാന് വായിച്ചിട്ടില്ലാത്ത ആളിന് എങ്ങിനെ മനസ്സിലാകും ആധുനിക മതമായ ഇസ്ലാമതത്തിന്റെ ന•കള്. അതുപോലെ വാസ്തു എന്ന വാക്കിന്റെ അര്ത്ഥം പോലും അറിയാത്ത ശ്രീ. സി.രവിചന്ദ്രന് പേരു വലുതാക്കാനും കൈയ്യടി നേടാനും നടത്തിയ ഈ സാഹസികതകൊണ്ട് ഭാരതീയ ശാസ്ത്രങ്ങള് അന്യം നിന്ന് പോകില്ല. ശാസ്ത്രം പഠിക്കുന്നവര്, പഠിയ്ക്കാന് ആഗ്രഹിക്കുന്നവര് ഉളള കാലത്തോളം ഭാരതീയ ശാസ്ത്രങ്ങള് ലോകമെമ്പാടും തല ഉയര്ത്തിപ്പിടിച്ച് നില്ക്കും.
