കാഞ്ഞങ്ങാട്: കായക്കുന്നില്‍ കഴിഞ്ഞ തിരുവോണ ദിവസം സിപിഎം പ്രവര്‍ത്തകര്‍ നടത്തിയ അക്രമത്തില്‍ ബിജെപി പ്രവര്‍ത്തകന്‍ വി.കെ.വിജയന്റെ വീട് തകര്‍ത്ത കേസില്‍ കായക്കുന്നിലെ 18 സിപിഎം പ്രവര്‍ത്തകരെ അമ്പലത്തറ പോലീസ് അറസ്റ്റ് ചെയ്ത് കോടതിയില്‍ ഹാജരാക്കി. കോടതി ഇവരെ പിന്നീട് റിമാന്‍ഡ് ചെയ്തു. അക്രമത്തില്‍ വീട് പൂര്‍ണമായും തകര്‍ന്നിരുന്നു. കിടപ്പാടം നഷ്ടപ്പെട്ട വിജയനും ഭാര്യയും എന്‍ഡോസള്‍ഫാന്‍ ദുരിതബാധിതനായ വിഷ്ണുവും സഹോദരിയുമടങ്ങുന്ന കുടുംബം ഇപ്പോള്‍ ബന്ധു വീട്ടില്‍ അഭയം തേടിയിരിക്കുകയാണ്.
സംഭവത്തിന് ഉത്തരവാദികളായവരെ എത്രയും പെട്ടെന്ന് നിയമത്തിന്റെ മുന്നില്‍ കൊണ്ടുവരാനുള്ള എല്ലാ പ്രവര്‍ത്തനങ്ങളും നടത്തുമെന്ന് സ്ഥലം സന്ദര്‍ശിച്ച ബിജെപി സംസ്ഥാന പ്രസിഡണ്ട് വി.മുരളീധരന്‍, ജനറല്‍ സെക്രട്ടറി കെ.സുരേന്ദ്രന്‍ എന്നിവര്‍ ഉറപ്പ് നല്‍കിയിരുന്നു.
പ്രതികരിക്കാൻ ഇവിടെ എഴുതുക: