കണ്ണൂര്: വൈദ്യുതീകരണ ജോലികള് പൂര്ത്തിയായ കോഴിക്കോട്-ചെറുവത്തൂര് പാതയില് പരീക്ഷണാടിസ്ഥാനത്തില് വൈദ്യുതി ട്രെയിന് ഓടി.—ഇന്നലെ രാവിലെ 10ന് കോഴിക്കോട് നിന്നും ഒരു എന്ജിനും ടവര് വാഗണും അടങ്ങിയ ട്രെയിന് കോഴിക്കോട് സ്റ്റേഷനില് നിന്നുമാണ് യാത്ര ആരംഭിച്ചത്. ഉച്ചയക്ക് 12.45 ഓടെ ട്രെയിന് കണ്ണൂര് സ്റ്റേഷനിലെത്തി. ഒന്നാം പ്ലാറ്റ് ഫോമിലെത്തിയ ട്രെയിന് പൂജയക്കു ശേഷം 12.55 നു ചെറുവത്തൂരിലേക്കു യാത്രതിരിച്ചു. ഉച്ച കഴിഞ്ഞു 1.—45ന് ട്രെയിന് ചെറുവത്തൂരിലെത്തി. ചെറുവത്തൂരില് നിന്നും ഉച്ചകഴിഞ്ഞു 2.15ന് യാത്രയാരംഭിച്ച ട്രെയിന് വൈകുന്നേരം കോഴിക്കോട് തിരിച്ചെത്തി. പരിക്ഷണ ഓട്ടം വിജയമാണെന്നു റെയില്വേ അധികൃതര് പറഞ്ഞു. ലോക്കോ പൈലറ്റ് കെ.പി.ഗോപാലകൃഷ്ണന്, അസിസ്റ്റന്റ് ലോക്കോ പൈലറ്റ് സി,വി.അമല്കൃഷ്ണന്, ഡെപ്യൂട്ടി ചീഫ് ഇലക്ട്രിക്കല് എഞ്ചിനിയര് ടി.സി.ജോണ്സണ്, സീനിയര് ഡപ്യൂട്ടി എന്ജിനിയര് എസ്.ജയകൃഷ്ണന്, എക്സിക്യൂട്ടീവ് എന്ജിനിയര് കെ.എ.സജി എന്നിവരും വൈദ്യുതീകരണ വിഭാഗം ജീവനക്കാരും പരീക്ഷണ ഓട്ടത്തില് പങ്കാളികളായി.
വൈദ്യുതീകരിച്ച പാതയിലൂടെ ട്രെയിന് സര്വീസ് ആരംഭിക്കുന്നതിന്റെ മുന്നോടിയായി 22ന് റെയില്വേ സേഫ്റ്റി കമ്മീഷണറുടെ സാന്നിധ്യത്തില് വീണ്ടും പരീക്ഷണ ഓട്ടം നടത്തും. ഈ യാത്രയില് സംവിധാനങ്ങളും ക്രമീകരണങ്ങളും പരിശോധിച്ചു ഭാവി കാര്യങ്ങളില് തീരുമാനമെടുക്കും.—————
കണ്ണൂരില് റെയില്വേ സ്റ്റേഷന് മാനേജര് എം.കെ.ഷൈലേന്ദ്രന്, ഡെപ്യൂട്ടി സ്റ്റേഷന്മാനേജര് ടി.വി.സുരേഷ് കുമാര്, സ്റ്റേഷന് മാസ്റ്റര് പി.സജിത് കുമാര്, ഡെപ്യൂട്ടി ചീഫ് ഇലക്ട്രിക്കല് എന്ജിനിയര് വി.കെ.മനോഹരന്, എക്സിക്യൂട്ടീവ് എന്ജിനിയര് താമരൈ ശെല്വന്, അസിസ്റ്റന്റ് എക്സിക്യൂട്ടീവ് എന്ജിനിയര്മാരായ പുരുഷോത്തമന് പിള്ള, സുബ്രഹ്മണ്യം, സെക്ഷന് എഞ്ചിനിയര്മാരായ പി.സുരേഷ്, രുദ്രപ്പ, നോര്ത്ത് മലബാര് ട്രെയിന് പാസഞ്ചേഴ്സ് കോ-ഓര്ഡിനേഷന് കമ്മിറ്റി ഭാരവാഹികളായ റഷീദ് കവ്വായി, പി.വി.ദാമോദരന് നമ്പ്യാര്, വി.കെ. ഇബ്രാഹിം എന്നിവര് വൈദ്യുത ട്രെയിനിനു സ്വീകരണം നല്കി. ചെറുവത്തൂര്-മംഗളൂരു പാതയിലെ വൈദ്യുതീകരണം പൂര്ത്തിയായാല് ദീര്ഘദൂര ട്രെയിനുകളെയും മലബാറിലൂടെ കടത്തിവിടും.
