കുന്നത്തൂര്: യുവമോര്ച്ച പ്രവര്ത്തകരും ശൂരനാട് തെക്ക് കുമാരംചിറ ഓട്ടോ സ്റ്റാന്റിലെ തൊഴിലാളികളുമായ യുവാക്കള്ക്ക് നേരെ എസ്ഡിപിഐ ഗുണ്ട ആക്രമണം. അജയന്, അനീഷ് എന്നിവരാണ് മര്ദ്ദനത്തിനു ഇരയായത്.
മുസ്ലിം വിഭാഗത്തിന്റെ നിയന്ത്രണത്തിലുള്ള പത്ര സ്ഥാപനത്തിലെ ജീവനക്കാരന്റെ നേതൃത്വത്തിലായിരുന്നു ആക്രമണം. നിരന്തരം ഓട്ടം ഉണ്ടെന്നു പറഞ്ഞു വിളിച്ചുപറ്റിക്കുന്ന ഈ സംഘമാണ് കഴിഞ്ഞദിവസം രാത്രി ആക്രമണം നടത്തിയത്. എല്ലാദിവസവും ഓട്ടം ഉണ്ടെന്നു പറഞ്ഞു വിളിച്ച് പറയുകയും ചെല്ലുമ്പോള് ഓരോ കാരണം പറഞ്ഞു ഒഴിവാക്കുകയുമാണ് പതിവ്. ഇത്തരത്തില് ഇന്നലെയും ഓട്ടം വിളിച്ചെങ്കിലും ഇവര് പോയില്ല. ഇക്കാരണത്താല് രാത്രി ഒന്പതു മണിയോടെ എട്ടോളം വരുന്ന ഗുണ്ടകള് ഓട്ടോ സ്റ്റാന്റിലെത്തി ആക്രമണം അഴിച്ചു വിടുകയായിരുന്നു. ആക്രമണത്തില് പരിക്കേറ്റ അജയന്, അനീഷ് എന്നിവരെ ശാസ്താംകോട്ട താലൂക് ആശുപത്രിയില് പ്രവേശിപ്പിച്ചു. ആക്രമണത്തില് പ്രതിഷേദിച്ചു ഓട്ടോ തൊഴിലാളികള് മിന്നല് പണിമുടക്ക് നടത്തി. യുവമോര്ച്ചയുടെ നേതൃത്വത്തില് കുമാരംചിറയില് പ്രകടനവും നടന്നു. ശൂരനാട് പോലീസ് കേസെടുത്തു.
