വൈത്തിരി: സുഗന്ധഗിരി ഭജനമഠത്തില്‍ മാര്‍ച്ച് എഴിന് നടക്കുന്ന മഹാശിവരാത്രി മഹോത്സവത്തോടനുബന്ധിച്ച് ഗംഗയില്‍ നിന്നും ലഭിച്ച് 18 വര്‍ഷമായി ആരാധിച്ചുപോന്ന കാശിവിശ്വനാഥശിവലിംഗം ഭക്തജനദര്‍ശനത്തിനായി എത്തുന്നു. രാവിലെ 7 മണിക്ക് കാശിവിശ്വനാഥ ശിവലിംഗത്തിനെ ലക്കിടിയില്‍ വെച്ച് സ്വീകരിച്ച് എതിരേറ്റ് സുഗന്ധഗിരി അയപ്പ ഭജനമഠത്തില്‍ എത്തിക്കും. ഭാരതത്തിലെ അങ്ങോളമിങ്ങോളമുള്ള ഭക്തജനങ്ങള്‍ പൂജിച്ച മാഹാശിവലിംഗമാണ് ഇന്ന് സുഗന്ധഗിരിയില്‍ എത്തുന്നത്. വൈകിട്ട് 7 മണി മുതല്‍ ഭക്തര്‍ക്ക് കാശി വിശ്വനാഥശിവലിംഗത്തില്‍ പാലഭിഷേകവും കൂവളയില അര്‍ച്ചനയും നേരിട്ട് നടത്താന്‍ അവസരം ഒരിക്കിയിട്ടുണ്ട്. ലോക പ്രശസ്ത ധ്യാനാചാര്യന്‍ എറണാകുളം എടത്തല വിജയന്‍ തന്ത്രികള്‍ മുഖ്യകാര്‍മികത്വം വഹിക്കുന്ന ചടങ്ങുകള്‍ ചൊവാഴ്ച രാവിലെ 6 മണിവരെ ഉണ്ടായിരിക്കും.മാര്‍ച്ച് എഴിന് രാവിലെ 3.30ന് മഹാഗണപതിഹോമത്തോടെ ഉത്സവചടങ്ങുകള്‍ ആരംഭിക്കും. വിവിധ പൂജകള്‍, അര്‍ച്ചനകള്‍, അഹോരാത്ര പഞ്ചാക്ഷരീ മന്ത്രജപം, മഹാശിവപുരാണ പാരായണം, ഭജനകള്‍, കുട്ടികളുടെ നൃത്ത നൃത്ത്യങ്ങള്‍, പാരമ്പര്യകലാരൂപ അവതരണം, ഗുരു കാരണവന്‍മാരെ ആദരിക്കല്‍, അന്നദാനം എന്നിവ ഉണ്ടായിരിക്കും.
പ്രതികരിക്കാൻ ഇവിടെ എഴുതുക: