ന്യൂദല്ഹി: മാര്ച്ച് ഒമ്പതിന് സമ്പൂര്ണ്ണ സൂര്യഗ്രഹണം നടക്കും. എന്നാല് ഭാരതത്തില് സൂര്യോദയ സമയത്ത് ഭാഗികമായി മാത്രമേ ഇത് ദൃശ്യമാകൂ. രാജ്യത്തിന്റെ വടക്ക് പടിഞ്ഞാറന് പ്രദേശങ്ങളിലൊഴികെ മറ്റെല്ലായിടത്തും സൂര്യഗ്രഹണം ദൃശ്യമാകും. മിക്ക സ്ഥലങ്ങളിലും ഉദയത്തിന് മുന്പ് ഗ്രഹണം പകുതി പൂര്ത്തിയായിരിക്കും. വടക്ക് കിഴക്കന് ഭാരതത്തില് സൂര്യന് ഉദിച്ച് കഴിഞ്ഞാലുടന് ഗ്രഹണവും ദശ്യമാകും. രാജ്യത്തിന്റെ കിഴക്കോട്ട് പോകുംതോറും ഭാഗിക ഗ്രഹണത്തിന്റെ ദൈര്ഘ്യം കൂടികൂടി പരമാവധി ഒരു മണിക്കൂര് വരെ വടക്ക് കിഴക്കന് സംസ്ഥാനങ്ങളുടെ അറ്റത്തും ആന്ഡമാന് & നിക്കോബാര് ദ്വീപുകളിലും കാണാം.
ഇന്ത്യന് സമയം പുലര്ച്ചെ 4.49 മണിയ്ക്കാണ് ഗ്രഹണം ആരംഭിക്കുക. സമ്പൂര്ണ്ണ ഗ്രഹണം അഞ്ചു മണി 47 മിനിറ്റിനും നടക്കും. ഇത് 9 മണി 08 മിനിട്ടിന് തീരും. ഭാഗികഗ്രഹണം ഇന്ത്യന് സമയം രാവിലെ 10 മണി അഞ്ചു മിനിറ്റിന്് സമാപിക്കും.
കേരളത്തില് കൊച്ചിയില് രാവിലെ 6.35 മുതല് ആറു മണി 46 മിനിറ്റും എട്ട് സെക്കന്റും വരെ 11.8 മിനിട്ടായിരിക്കും ഭാഗിക ഗ്രഹണം ദൃശ്യമാവുക. തിരുവനന്തപുരത്ത് രാവിലെ 6.37 മുതല് ആറു മണി 46 മിനിട്ടും അഞ്ചു സെക്കന്റും വരെ 13.5 മിനിട്ടായിരിക്കും സൂര്യഗ്രഹണം കാണാന് കഴിയുക. സൂര്യഗ്രഹണം ചെറിയൊരു സമയത്തേയ്ക്കാണെങ്കില് പോലും നഗ്ന നേത്രങ്ങള് കൊണ്ട് കാണാന് പാടില്ല.
