കുമാരനല്ലൂര്: വാഗ്ദാന ലംഘനം നടത്തിയ മുഖ്യമന്ത്രി ഉമ്മന്ചാണ്ടിയുടെ പുതുപ്പള്ളിയിലെ വസതിക്ക് മുന്നില് കുമാരനല്ലൂര് കാര്ത്തികയില് സുരേന്ദ്രന് ഇന്ന് ധര്ണ്ണ നടത്തും. ഭാര്യ ഇന്ദിരയുടെ രോഗത്തെ തുടര്ന്നുണ്ടായ ദുരിതങ്ങള് തകര്ത്ത ജീവിതത്തില് സ്വത്തും സമ്പാദ്യമെല്ലാം നശിച്ച സുരേന്ദ്രന് വീടുനല്കാമെന്ന മുഖ്യമന്ത്രിയുടെ വാഗ്ദാനമാണ് കഴിഞ്ഞ രണ്ടുവര്ഷമായി ലംഘിക്കപ്പെട്ടിരിക്കുന്നത്. പതിനൊന്ന് വര്ഷം മുമ്പ് ഹൃദയത്തിനുണ്ടായ അസുഖത്തെ തുടര്ന്ന് നിരവധി ശസ്ത്രക്രിയകളും തുടര്ചികിത്സകളും ഇന്ദിരയ്ക്ക് നടത്തേണ്ടിവന്നു. പലരുടെയും സഹായത്താല് ചികിത്സകള് തുടര്ന്നുപോയെങ്കിലും രണ്ട് മക്കളുടെയും പഠിപ്പും സുരേന്ദ്രന്റെ ആരോഗ്യവും ക്ഷയിച്ചു. ഇതേ തുടര്ന്നാണ് മുഖ്യമന്ത്രിയുടെ ജനസമ്പര്ക്ക പരിപാടിയില് സുരേന്ദ്രന് കേറിക്കിടക്കാന് ഒരിടത്തിനായി അപേക്ഷ നല്കിയത്. 2014 ഒക്ടേബറില് സ്ഥലം കണ്ടെത്തി റിപ്പോര്ട്ട് നല്കണമെന്ന് കോട്ടയം വില്ലേജ് ആഫീസര്ക്ക് നിര്ദ്ദേശവും നല്കി. എന്നാല് ഇതുവരെ തുടര്നടപടികള് ഒന്നും ഉണ്ടായില്ല. വീണ്ടും നിരവധി തവണ മുഖ്യമന്ത്രിയെ സമീപിച്ചെങ്കിലും അദ്ദേഹവും സുരേന്ദ്രനെ കൈവിട്ടു.
വാഗ്ദാന ലംഘനം നടത്തിയ മുഖ്യമന്ത്രിയുടെ വസതിക്ക് മുന്നില് സുരേന്ദ്രന്റെ ധര്ണ്ണ ഇന്ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.