കോട്ടയം: ജില്ലയില് ഇന്നിലെ നടന്ന പോളിയോ നിര്മ്മാര്ജ്ജന യജ്ഞത്തില് 1,17,787 കുട്ടികള്ക്ക് തുള്ളിമരുന്ന് നല്കിയതായി ജില്ലാ മെഡിക്കല് ഓഫീസര് ഡോ. ജേക്കബ് വര്ഗീസ് അറിയിച്ചു. 125140 കുട്ടികള്ക്കാണ് മരുന്ന് നല്കാന് ഉദ്ദേശിച്ചിരുന്നത്. ഇതില് 90.13% കുട്ടികള്ക്ക് ആദ്യ ദിനം ബൂത്തുകളില് വച്ച് തുള്ളി മരുന്ന് നല്കി. മുഴുവന് കുട്ടികള്ക്കും മരുന്ന് നല്കുന്നു എന്ന് ഉറപ്പു വരുത്തുന്നതിനായി അടുത്ത ദിവസങ്ങളില് സന്നദ്ധപ്രവര്ത്തകരുടെയും ആരോഗ്യ പ്രവര്ത്തകരുടെയും നേതൃത്വത്തില് എല്ലാ വീടുകളും സന്ദര്ശിച്ച് മരുന്ന് ലഭിക്കാത്ത കുട്ടികള്ക്ക് കൂടി മരുന്ന് നല്കി യജ്ഞം പൂര്ത്തീകരിക്കുമെന്ന് ഡിഎംഓ അറിയിച്ചു. ബസ് സ്റ്റാന്ഡുകളിലും റെയില്വേ സ്റ്റേഷനുകളിലും പ്രവര്ത്തിക്കുന്ന ട്രാന്സിറ്റ് ബൂത്തുകളും മൊബൈല് ബൂത്തുകളും രണ്ടു ദിവസം കൂടി പ്രവര്ത്തിക്കും. ഇന്നലെ 20 മൊബൈല് ബൂത്തുകള്, 40 ട്രാന്സിറ്റ് ബൂത്തുകള് എന്നിവ ഉള്പ്പെടെ 1326 ബൂത്തുകള് ക്രമീകരിച്ചിരുന്നു. റെയില്വെ സ്റ്റേഷന്, ബസ്റ്റാന്റ്, ബോട്ടുജെട്ടി എന്നിവിടങ്ങളില് ട്രാന്സിറ്റ് ബൂത്തുകളും ഉത്സവസ്ഥലങ്ങള്, കല്യാണമണ്ഡപങ്ങള് എന്നിവയുള്പ്പെടെ ജനങ്ങള് എത്തുന്ന സ്ഥലങ്ങളില് എത്തി മരുന്ന് നല്കുന്ന മൊബൈല് ബൂത്തുകളും പ്രവര്ത്തിച്ചു. ആരോഗ്യവകുപ്പിന്റെ നേതൃത്വത്തില് ആരോഗ്യകേരളം സാമൂഹ്യക്ഷേമ വകുപ്പ്, കുടുബശ്രീ, വിദ്യാഭ്യാസവകുപ്പ്, തദ്ദേശസ്വയംഭരണ വകുപ്പ്, സാക്ഷരതാ മിഷന് തുടങ്ങിയ സര്ക്കാര് വകുപ്പുകളുടെയും റോട്ടറി കഌബ് തുടങ്ങിയ സന്നദ്ധസംഘടനകളുടെയും ആഭിമുഖ്യത്തിലാണ് പരിപാടി നടത്തിയത്.
പള്സ്പോളിയോ ഇമ്മ്യൂണൈസേഷന്: ജില്ലയില് 1,17,787 കുട്ടികള്ക്ക് മരുന്നു നല്കി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.