അങ്ങാടിപ്പുറം: സോപാനസംഗീത ആചാര്യന്‍ ഞെരളത്ത് രാമപൊതുവാളിന്റെ സ്മരണക്കായി തിരുമാന്ധാംകുന്ന് ഭഗവതി ദേവസ്വത്തിന്റെ ആഭിമുഖ്യത്തില്‍ തിരുമാന്ധാംകുന്ന് ശ്രീശൈലം ഹാളില്‍ നടത്തിവരാറുള്ള ഞെരളത്ത് സംഗീതോത്സവത്തിന് ആസ്വാദകരേറുന്നു. 15ന് ക്ഷേത്രം ട്രസ്റ്റി ഇന്‍ചാര്‍ജ് എ.സി.വേണുഗോപാലരാജയുടെ അധ്യക്ഷതയില്‍ ചലചിത്ര നടന്‍ വി.കെ.ശ്രീരാമനാണ് സംഗീതോത്സവം ഉദ്ഘാടനം ചെയ്തത്. മലബാര്‍ ദേവസ്വം ബോര്‍ഡ് കമ്മിഷണര്‍ രവികുമാര്‍ മുഖ്യ അതിഥിയായിരുന്നു. തന്ത്രി പന്തലക്കോട്ടത്ത് നാരായണന്‍ നമ്പൂതിരി, മാനേജര്‍ സി.സുരേന്ദ്രക്കുറുപ്പ്, അസി.മാനേജര്‍ ചന്ദ്രശേഖര വാര്യര്‍ തുടങ്ങിയവര്‍ സംസാരിച്ചു. രണ്ടാം ദിവസമായ ഇന്നലെ പൊതുജന പങ്കാളിത്തം കൊണ്ട് ശ്രദ്ധേയമായി. 19 വരെ രാവിലെ ഏഴര മുതല്‍ വൈകിട്ട് ഏഴര വരെയും സംഗീത അര്‍ച്ചന നടക്കും. കേരളത്തിലെ വിവിധ പ്രദേശങ്ങളില്‍ നിന്നായി അഞ്ഞൂറിലധികം സംഗീതജ്ഞര്‍ ചടങ്ങില്‍ പങ്കെടുക്കും
Sunday, November 24, 2024
ഞെരളത്ത് സംഗീതോത്സവത്തിന് ആസ്വാദകരേറുന്നു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: