കാഞ്ഞങ്ങാട്: അജാനൂര്‍ പഞ്ചായത്തിലെ കൊളവയല്‍, പൊയ്യക്കര തുടങ്ങിയ പ്രദേശങ്ങളില്‍ സിപിഎം സംഘടിതമായി ബിജെപി പ്രവര്‍ത്തകരെ മാരകായുധങ്ങളുമായി വീട്ടില്‍ കയറി അക്രമിച്ച് പരിക്കേല്‍പ്പിക്കുകയും വീടുകളും വീട്ടുപകരണം നശിപ്പിച്ച് സ്ത്രീകളെയും കുട്ടികളെയും കൊല്ലുമെന്ന് ഭീഷണിപ്പെടുത്തുകയും ചെയ്ത് ഭീകരാന്തരീക്ഷം സൃഷ്ടിക്കുകയാണെന്ന് ബിജെപി കാഞ്ഞങ്ങാട് നിയോജക മണ്ഡലം കമ്മറ്റി ആരോപിച്ചു.
ഏഴോളം പ്രവര്‍ത്തകരെ മാരകമായി വെട്ടിപ്പരിക്കേല്‍പ്പിക്കുകയും ചെയ്തിട്ടുണ്ട്. സിപിഎമ്മിന്റെ അക്രമങ്ങള്‍ എന്തു വിലകൊടുത്തും പ്രതിരോധിക്കുമെന്നും ബിജെപി പ്രവര്‍ത്തകര്‍ക്ക് സ്വതന്ത്രമായി പ്രവര്‍ത്തിക്കാനുള്ള സാഹചര്യം പോലീസിന്റെ ഭാഗത്ത് നിന്നുണ്ടാകണമെന്നും അക്രമികള്‍ക്കെതിരെ ശക്തമായ നടപടി അധികാരികളുടെ ഭാഗത്ത് നിന്നുണ്ടാകണമെന്നും മണ്ഡലം കമ്മറ്റി ആവശ്യപ്പെട്ടു. ഇ.കൃഷ്ണന്‍ അധ്യക്ഷത വഹിച്ചു. കൊവ്വല്‍ ദാമോദരന്‍, എസ്.കെ.കുട്ടന്‍, ബളാല്‍ കുഞ്ഞിക്കണ്ണന്‍, പ്രേംരാജ് സംസാരിച്ചു.
പ്രതികരിക്കാൻ ഇവിടെ എഴുതുക: