തളങ്കര: തളങ്കരയില്‍ അനധികൃത മണലൂറ്റലും കടത്തും വീണ്ടും വ്യാപകമായി. കഴിഞ്ഞ ദിവസം പോലീസും റവന്യൂ വകുപ്പും ശക്തമായ പരിശോധന നടത്തി മണല്‍ കടത്തിനുപയോഗിച്ച 10 തോണികള്‍ പിടികൂടിയിരുന്നു. എന്നാല്‍ ഇപ്പോഴും മണലൂറ്റലും കടത്തും നിര്‍ബാധം തുടരുന്നുവെന്നാണ് നാട്ടുകാരുടെ പരാതി. തളങ്കര കടവത്ത്, പടിഞ്ഞാര്‍, ദഖീറത്ത് ഇംഗ്ലീഷ് മീഡിയം സ്‌കൂള്‍ റോഡിന് പിറക് വശം തുടങ്ങിയ ഭാഗങ്ങളില്‍ പുഴയില്‍ നിന്ന് രാത്രിയും പുലര്‍ച്ചെയുമായി അനധികൃതമായി മണലൂറ്റുന്നുണ്ട്. ദഖീറത്ത് സ്‌കൂളിന് പിറകു വശത്തെ വിജനമായ സ്ഥലത്ത് കണ്ടല്‍കാടുകള്‍ക്കിടയിലുള്ള സ്ഥലത്തെ പുഴയില്‍ നിന്ന് മണലൂറ്റി തോണിയില്‍ കടത്തുകയാണ് ചെയ്യുന്നത്. ഇവിടെ നിന്ന് ഏതാനുമകലെ കൊണ്ടുപോയി കരക്കടുപ്പിച്ച് ആള്‍ താമസമില്ലാത്ത പറമ്പില്‍ സൂക്ഷിക്കുകയും ഇവിടെ നിന്ന് ആവശ്യക്കാര്‍ക്ക് വാഹനങ്ങളിലെത്തിച്ചു കൊടുക്കുകയും ചെയ്യുന്നതായി നാട്ടുകാര്‍ പറയുന്നു.
Monday, November 25, 2024
തളങ്കരയില്‍ അനധികൃത മണല്‍ കടത്ത് വ്യാപകം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: