മത്സ്യത്തൊഴിലാളിയുടെ വീട് കത്തി നശിച്ചു: 5 ലക്ഷം രൂപയുടെ നഷ്ടം

കുമ്പള: കോയിപ്പാടി കടപ്പുറത്ത് മത്സ്യത്തൊഴിലാളിയുടെ വീട് കത്തി നശിച്ചു. അഞ്ചു ലക്ഷം രൂപയുടെ നഷ്ടം. ഇന്നലെ രാവിലെ ഒമ്പതുമണിയോടെയാണ് സംഭവം. മത്സ്യത്തൊഴിലാളി വികാസിന്റെ ഓടിട്ട വീടാണ് കത്തി നശിച്ചത്. വീടു പൂട്ടി വികാസിന്റെ ഭാര്യ കുഞ്ഞിനെ അംഗന്‍വാടിയിലാക്കാന്‍ പോയതായിരുന്നു. മടങ്ങിയെത്തിയപ്പോഴാണ് തി പടരുന്നത് കണ്ടത്. ഉടന്‍ നാട്ടുകാര്‍ വെള്ളം ചീറ്റി തീ അണക്കുകയായിരുന്നു. വീട് പൂര്‍ണ്ണമായും കത്തി നശിച്ചു. വീട്ടിലുണ്ടായിരുന്ന മൂന്നു പവന്‍ സ്വര്‍ണ്ണാഭരണങ്ങളും കുട്ടികളുടെ സര്‍ട്ടിഫിക്കറ്റുകളും 50,000 രൂപയും കത്തി നശിച്ചു. അഞ്ചു ലക്ഷം രൂപയുടെ നഷ്ടം കണക്കാക്കുന്നു. ഷോര്‍ട്ട് സര്‍ക്യൂട്ടാണ് അപകടത്തിന് കാരണമെന്നാണ് സംശയിക്കുന്നത്.