വാഴൂര്: ഗ്രാമപഞ്ചായത്ത് ആറാംവാര്ഡിന്റെ ഹൃദയഭാഗത്ത് കൂടി കടന്ന് പോകുന്ന തീര്ത്ഥപാദാശ്രമം ശാസ്താംകാവ് റോഡിനോട് അധികൃതര്ക്ക് അവഗണന.
ടാറിംഗിനായി മെറ്റല് നിരത്തിയിട്ട് ഒരു വര്ഷം കഴിഞ്ഞെങ്കിലും നാളിതുവരെയായി ടാറിംഗ് തുടങ്ങിയിട്ടില്ല. മെറ്റല് ഇളകിയതിനാല് നടക്കാന് പോലും പറ്റാത്ത അവസ്ഥയാണ്. 2014 നവംബറിലാണ് ടാറിംഗിനായി മെറ്റല് നിരത്തിയത്. 2015 മാര്ച്ചിന് മുമ്പ് ടാറിംഗ് ജോലികള് പൂര്ത്തിയാക്കുമെന്നാണ് അധികൃതര് പറഞ്ഞിരുന്നത്. പക്ഷേ ഇതുവരെ ഫലമുണ്ടായില്ല.
റോഡിന്റെ തീര്ത്ഥപാദാശ്രമം ഭാഗത്ത് കുറച്ച്ഭാഗം വര്ഷങ്ങള്ക്ക് മുമ്പ് ടാറിംഗ് ചെയ്തിരുന്നു. പക്ഷേ ഈ ഭാഗവും പൊളിഞ്ഞ് റോഡ് പൂര്ണ്ണമായും തകര്ന്നിരിക്കുകയാണ്. ഇരുചക്രവാഹനങ്ങള്ക്ക് പോലും കടന്നുപോകാന് സാധിക്കുന്നില്ല. ഓട്ടോറിക്ഷകളും ഇതിലേ വരാന് മടിക്കുന്നു. ടാറിംഗിനായി ഒരുമാസം മുമ്പ് മെറ്റലുകള് ഇറക്കിയെങ്കിലും തുടര്പ്രവര്ത്തനങ്ങള് ആയില്ല. അധികൃതര് റോഡിനോടും ഈ പ്രദേശത്തോടും കാണിക്കുന്ന അവഗണനയില് പ്രതിഷേധം ശക്തമാണ്. എത്രയും പെട്ടെന്ന് ടാറിംഗ് ജോലികള് ആരംഭിച്ചില്ലെങ്കില് ശക്തമായ സമരപരിപാടികള് നടത്തുമെന്ന് ബിജെപി ഭാരവാഹികള് അറിയിച്ചു.
