കുമ്മനത്തെ വരവേല്‍ക്കാന്‍ നാടും നഗരവും ഒരുങ്ങി
കല്‍പ്പറ്റ : വികസനകേരളത്തിനായി എല്ലാവര്‍ക്കും അന്നം, വെള്ളം, തൊഴില്‍, ഭൂമി, തുല്യനീതി എന്ന മുദ്രാവാക്യവുമായി ഭാരതീയ ജനതാപാര്‍ട്ടി സംസ്ഥാന അദ്ധ്യക്ഷന്‍ കുമ്മനം രാജശേഖരന്‍ നയിക്കുന്ന വിമോചനയാത്ര നാ ളെ വയനാട്ടിലെത്തും. യാ ത്രയെ വരവേല്‍ക്കുവാ നും കുമ്മനത്തെ ഒരു നോക്ക് കാണുവാനുമായി ആയിരങ്ങളാണ് ജില്ലയിലെ മൂന്ന് സമ്മേളന നഗരികളിലും എത്തുക. യാത്രക്കുവേണ്ട വിപുലമായ ഒരുക്കങ്ങളാണ് ജില്ലയില്‍ നടത്തിയിട്ടുള്ളത്. മാനന്തവാടി, ബത്തേരി, നിയോജകമണ്ഡലങ്ങളിലെ പര്യടനത്തിനുശേഷം കല്‍പ്പറ്റ നിയോജകമണ്ഡലത്തിലാണ് സമാപനപരിപാടി. വിമോചന യാത്രക്ക് ജില്ലയിലെ മൂന്ന് നിയോജക മണ്ഡല കേന്ദ്രങ്ങളിലും വന്‍ സ്വീകരണമൊരുക്കാനുള്ള തയ്യാറെടുപ്പിലാണ് പ്രവര്‍ത്തകര്‍.
കേരളം മാറിമാറി ഭരിച്ച ഇടത്-വലത് മുന്നണികള്‍ സംസ്ഥാനത്തെ അധപതനത്തിലേക്കാണ് നയിച്ചത്. അടുത്ത തിരഞ്ഞെടുപ്പോടുകൂടി കേരളത്തില്‍ സമഗ്രമായ ഒരുപരിവര്‍ത്തനത്തിന് തുടക്കമാ കും. ഈ ലക്ഷ്യം മുന്നില്‍ കണ്ട് വികസിത കേരളത്തിനായി എല്ലാവര്‍ക്കും അന്നം, വെള്ളം, മണ്ണ്, തൊഴില്‍, എല്ലാവര്‍ക്കും തുല്യനീതി എന്നീ മുദ്രാവാക്യങ്ങളുയര്‍ത്തിപിടിച്ചുകൊണ്ട് ബിജെപി സംസ്ഥാന അദ്ധ്യക്ഷന്‍ നയിക്കുന്ന വിമോചനയാത്രയില്‍ വയനാട്ടില്‍ മാത്രം ആയിരങ്ങള്‍ പങ്കെടുക്കുമെന്നാണ് ജില്ലാ നേതൃത്വം വിലയിരുത്തുന്നത്.
ജനുവരി ഇരുപത്തിരണ്ടിന് മൂന്ന് മണിയോടുകൂടി വയനാട് ജില്ലയില്‍ പ്രവേശിക്കുന്ന കേരള വിമോചനയാത്രയെ ജില്ലാഅതിര്‍ത്തിയായ ബോയ്‌സ്ടൗണില്‍നിന്നും അഞ്ഞൂറോളം ഇരുചക്ര വാഹനങ്ങളുടെ അകമ്പടിയോടെ മാനന്തവാടിയിലേക്ക് ആനയിച്ച് സ്വീകരണം നല്‍കും. യാത്രയില്‍ കേന്ദ്ര സര്‍ക്കാരിന്റെ ഭരണനേട്ടങ്ങള്‍ ഉയര്‍ത്തികാട്ടിയുള്ള ഡോക്യുമെന്ററി പ്രദര്‍ശനവും യുഡിഎഫ് സര്‍ക്കാരിന്റെ ഭരണപരാജയങ്ങള്‍ വിലയിരുത്തികൊണ്ടുള്ള ഡോക്യുമെന്ററി പ്രദര്‍ശനവും ഉണ്ടാകും. ഭാരതീയ ജനതാപാര്‍ട്ടി പ്രവര്‍ത്തകര്‍ നയിക്കുന്ന തെരുവ് നാടകം യാത്രയുടെ മുഖ്യ ആകര്‍ഷണമാകും. ഭാരതീയ ജനതാപാര്‍ട്ടിയെ പ്രതീക്ഷയോടെ കാണുന്ന ആര്‍ക്കും എന്റെ നാട് എന്റെ പ്രതീക്ഷ എന്ന വിഷയത്തില്‍ അഭിപ്രായ കുറിപ്പുകള്‍ എഴുതി പെട്ടിയിലിടാനുള്ള സൗകര്യവും യാത്രയിലുടനീളം ഒരുക്കിയിട്ടുണ്ട്.
ബത്തേരി നിയോജകമണ്ഡലത്തിലെ സ്വീകരണം 3.30 സ്വതന്ത്രമൈതാനിയില്‍ നടക്കും. തുടര്‍ന്ന് കല്‍പ്പറ്റയിലെത്തുന്ന വിമോചനയാത്രയെ കല്‍പ്പറ്റ നിയോജക മണ്ഡലം കമ്മിറ്റിയുടെ നേതൃത്വത്തില്‍ കല്‍പ്പറ്റ അനന്തവീര ടാക്കീസിനുസമീപത്തുനിന്നും നിരവധി ബൈക്കുകളുടെയും വാദ്യമേളങ്ങളുടെയും താലപ്പൊലിയുടെയും അകമ്പടിയോടെ തുറന്ന വാഹനത്തില്‍ സ്വീകരിച്ച് കല്‍പ്പറ്റയിലെ സമ്മേളന നഗരിയിലേക്ക് ആനയിക്കും. സമാപനസമ്മേളനം അഞ്ച് മണിയോടുകൂടി കല്‍പ്പറ്റയില്‍ ആരംഭിക്കും.
23ന് രാവിലെ ഒന്‍പത് മണിക്ക് സംസ്ഥാന അദ്ധ്യക്ഷന്‍ വിവിധ സാമുദായിക സംഘടനാ നേതാക്കള്‍, കര്‍മ്മസമിതി ഭാരവാഹികള്‍, ഭൂസമര നേതാക്കള്‍, റെയി ല്‍വേ ആക്ഷന്‍ കമ്മിറ്റി ഭാരവാഹികള്‍, പാരിസ്ഥിതിക സംഘടനാനേതാക്കള്‍ തുടങ്ങിയവരുമായി ആശയവിനിമയം നടത്തും.
വരുന്ന നിയമസഭാ തിരഞ്ഞെടുപ്പിന് മുന്നോടിയായി നടക്കുന്ന യാത്രയില്‍ സംസ്ഥാന തിരഞ്ഞെടുപ്പ് ഫണ്ട് സമാഹരണത്തിന്റെ ഭാഗമായി മൂന്ന് മണ്ഡലങ്ങളിലും പണക്കിഴി സ്വീകരിക്കല്‍ ചടങ്ങും നടക്കും.
പ്രതികരിക്കാൻ ഇവിടെ എഴുതുക: