ശങ്കരന്റെ പ്രതിഭയും ചൈതന്യന്റെ വികസിതവും അന്തമായ ഹൃദയവും ഒരേശരീരത്തില് ഉദ്വഹിക്കുന്ന ഒരു ജനനത്തിന് മുഹൂര്ത്തമായി. ഓരോപ്രാണിയിലും ഈശ്വരനെ ദര്ശിക്കുന്നവന്, പാവങ്ങള്ക്കും ദുര്ബലര്ക്കും കൈത്താങ്ങായി ഒരാള്, ലോകം നിറയെ വിരുദ്ധരായ ജനവിഭാഗങ്ങളെ ഇണക്കുന്നകണ്ണിയായി ഉജ്വല ബുദ്ധിയുള്ളഒരാള്.
ശ്രീരാമകൃഷ്ണനെക്കുറിച്ചുള്ള സ്വാമിജിയുടെ സങ്കല്പ്പമിങ്ങനെയായിരുന്നു.
ഭാരതത്തെക്കുറിച്ച് ഇതുപോലെ വിപുലമായി ഗ്രഹിച്ച സ്വാമികളെപ്പോലെ മറ്റൊരാള് ഉണ്ടായിട്ടില്ല എന്നുതന്നെ പറയാം. എന്തുകൊണ്ടന്നാല് പരിവ്രാജകനായി സഞ്ചരിച്ചുകൊണ്ടിരുന്നസമയത്ത് ഓരോകോണിലും നടക്കുന്ന കാര്യങ്ങള് അദ്ദേഹം മനസ്സിലാക്കിയിരുന്നു. അതിനാല് ഭാരതത്തെകുറിച്ചു നന്നായി വിലയിരുത്തല് നടത്തിയിട്ടുള്ള അത്യുന്നതന് വിവേകാന്ദസ്വാമികളാണ്. ”പ്രായോഗികമായആദ്ധ്യാത്മികതയുടെ മഹനീയ ദൃഷ്ടാന്തങ്ങള് ഭാരതഭൂമിയിലെന്നോണം ലോകത്ത് മറ്റൊരിടത്തും കാണാന് സാദ്ധ്യമല്ല. അനുഗൃഹീതമായ നമ്മുടെ രാജ്യത്തിലെന്നപോലെ കര്മ്മ സത്യങ്ങള് ഏറെ വികസിച്ചുനിന്നിട്ടില്ല. പവിത്രമായ നമ്മുടെ മാതൃഭൂമി മതത്തിന്റേയും ദര്ശനത്തിന്റേയും നാടാണ്. യോഗികളുടെ ജന്മഭൂമിയാണ്, ത്യാഗത്തിന്റെ നാടാണ്. മനുഷ്യന് പ്രാപ്യമായ അത്യുന്നത ജീവിതദര്ശനം ഇവിടെയാണ്. ഇവിടെ മാത്രമാണ് അതിപ്രാചീനകാലംമുതല് ഇന്നുവരെ നിലനിന്നുപോന്നിട്ടുള്ളത്”
ഹിന്ദുവെന്ന പദത്തിന് എക്കാലത്തും നൂതനമെന്നുതോന്നുന്ന ഒരു നിര്വ്വചനം കൊടുത്ത് സ്വാമി വിവേകാനന്ദന് പ്രഖ്യാപിക്കുകയുണ്ടായി. ”ഹിന്ദുവെന്നുപേരുള്ള ഏതൊരുവന്റെയും കഷ്ടതകള് നിങ്ങളുടെ കരളില് കടന്നു നിങ്ങളുടെ പുത്രന് തന്നെ കഷ്ടതകളില് പെട്ടിരിക്കുന്നു എന്ന തോന്നലുകള് ഉളവാകുമ്പോള് മാത്രമേ നിങ്ങള് ഒരു ഹിന്ദുവാകുന്നുള്ളൂ” ശക്തിയുടെ സന്ദേശവാഹകനായി അറിയപ്പെടുന്ന വിവേകാന്ദസ്വാമികളുടെ അഭിപ്രായത്തില് ”ഒരു മനുഷ്യനെ ധൈര്യപൂര്വ്വം എഴുന്നേറ്റ് നില്ക്കാനും പ്രവര്ത്തന നിരതനാക്കാനും സഹായിക്കുന്നത് എന്താണോ അതാണ് ശക്തി. ശക്തി ശ്രേയസ്സാണ്. അതനശ്വരമാണ്, അനാദിയാണ്. ശക്തിയാണ് ജീവിതം. ശക്തിയില്ലായ്മ മരണമാണ്. ”
സംഗീതത്തെ കുറിച്ച് സ്വാമികളുടെ അഭിപ്രായം ഇതായിരുന്നു.”വെറും രാഗനിശ്ചയവും താളനിശ്ചയവുംകൊണ്ട് സംഗീതം മുഴുവനാകില്ല. സംഗീതത്തിലൂടെ ഒരാശയം വ്യക്തമാക്കണം. ഉദാസീനമായി നീട്ടിപിടിച്ച് പാടുന്ന പാട്ട് രസിക്കുന്നതെങ്ങനെ? പാട്ടുള്ക്കൊള്ളുന്ന ആശയം ഗായകന്റെ ഭാവങ്ങളെ ഉണര്ത്തണം. പദങ്ങള് സ്ഫുടമായി ഉച്ചരിക്കണം. രാഗതാളങ്ങളിലും വേണ്ടത്ര ശ്രദ്ധിക്കണം.അനുരൂപമായ ആശയം ഗായകനുളവാക്കാന് പര്യാപ്തമല്ലാത്ത പാട്ട് പാട്ടേ അല്ല.
(അവസാനിച്ചു)
