ചേര്ത്തല/അരൂര്: സുധീരന്റെ കേരള രക്ഷായാത്ര ഉമ്മന്ചാണ്ടിയില് നിന്നും കേരളത്തെ രക്ഷിക്കാനാണെന്ന് ബിജെപി സംസ്ഥാന സെക്രട്ടറി അഡ്വ.നാരായണന് നമ്പൂതിരി. ബിജെപി അരൂര് ചേര്ത്തല നിയോജകമണ്ഡലം പ്രവര്ത്തക കണ്വന്ഷന് ഉദ്ഘാടനം ചെയ്യുകയായിരുന്നു അദ്ദേഹം. സുധീരന് കേരള രക്ഷായാത്ര നടത്തുന്നത് ബാര് മുതലാളിമാരില് നിന്നും കോടികള് വാങ്ങിയ മന്ത്രിമാര് മുതല് സരിത, ബിജു രാധാകൃഷ്ണന് എന്നിവരില് നിന്നും പാര്ട്ടിയെ രക്ഷിക്കാനാണ്.
പിണറായി നടത്തുന്ന യാത്ര പുതിയ സിപിഎം ഉണ്ടാക്കാനാണ്. തൊഴിലാളികളെ സംഘടിപ്പിക്കുന്ന പാര്ട്ടി മുതലാളിമാരെ സംരക്ഷിക്കുന്ന പാര്ട്ടിയായി. കൃഷ്ണന്റെ ജന്മം തടവറയിലാണെങ്കില് കൃഷ്ണന്റെ വേഷം കെട്ടിയ പിണറായിയുടെ ഒടുക്കം തടവറയിലായിരിക്കുമെന്നും അദ്ദേഹം പറഞ്ഞു.
ചേര്ത്തലയില് നിയോജകമണ്ഡലം പ്രസിഡന്റ് അഡ്വ. പി.കെ. ബിനോയ് അധ്യക്ഷത വഹിച്ചു. സംസ്ഥാന ട്രഷറര് രാജഗോപാല് മുഖ്യപ്രഭാഷണം നടത്തി. ജില്ലാ പ്രസിഡന്റ് വെള്ളിയാകുളം പരമേശ്വരന്, ജില്ലാ ജനറല് സെക്രട്ടറി കെ. സോമന്, സാനു സുധീന്ദ്രന്, സുമംഗലി മോഹന്, അഡ്വ. കെ.ആര്. അജിത്ത്, കെ.വി. അശോകന്, യുവമോര്ച്ച ജില്ലാ പ്രസിഡന്റ് എസ്. സാജന്, കെ.വി. ഷാജി, അരുണ് കെ. പണിക്കര് എന്നിവര് സംസാരിച്ചു.
അരൂര് നിയോജക മ ണ്ഡലം കണ്വന്ഷനില് ടി. സജീവ്ലാല് അദ്ധ്യക്ഷത വഹിച്ചു. ജില്ലാ പ്രസിഡന്റ് വെള്ളിയാകുളം പരമേശ്വരന്, പട്ടികജാതി മോര്ച്ച സംസ്ഥാന ജനറല് സെക്രട്ടറി സി. എ. പുരുഷോത്തമന്, ബ്രഹല്ചന്ദ്രന്, പെരുമ്പളം ജയകുമാര്. ബാലാനന്ദന് തുടങ്ങിയവര് സംസാരിച്ചു.
