കരുനാഗപ്പള്ളി: ഏറെകാലത്തെ ജനകീയ ആവശ്യത്തിന് പരിഹാരമായി. തഴവ 19-ാം വാര്ഡില് ചിറ്റുമൂല മൈതാനത്ത് അംഗന്വാടി കെട്ടിടം യാഥാര്ത്ഥ്യമായി. തഴവ ഗ്രാമപഞ്ചായത്തിലെ വാര്ഡുകളില് സ്വന്തമായി അംഗന്വാടി കെട്ടിടം ഇല്ലാത്ത ഏകവാര്ഡായിരുന്നു 19-ാം വാര്ഡ്. വര്ഷങ്ങളായി ഈ വാര്ഡിലെ 105-ാം നമ്പര് അംഗന്വാടി പല വീടുകളുടെയും ചായ്പ്പുകളിലും വരാന്തകളിലുമായി പ്രവര്ത്തിച്ചുവരുന്നു. ഇതിനെതിരെ വ്യാപകമായ ജനകീയ പ്രതിഷേധം ഉയര്ന്നു. നാല്പതോളം കുരുന്നുകള് അംഗന്വാടിയില് വിദ്യാഭ്യാസത്തിന് എത്തുന്നുവെങ്കിലും കെട്ടിടം ഇല്ലാത്തതുകാരണം ഈ അംഗന്വാടി അടച്ചുപൂട്ടലിന്റെ ഭീഷണിയിലായിരുന്നു. അംഗന്വാടി കെട്ടിടഫണ്ടിനായി അംഗന്വാടി വെല്ഫെയര്കമ്മിറ്റി അംഗങ്ങള് മുട്ടാത്ത വാതിലുകള് ഇല്ലായിരുന്നു. ഒടുവില് മുന് ബ്ലോക്ക് പഞ്ചായത്തംഗം കെ.എസ്.പുരം സുധീര് വിഷയത്തില് ഇടപെടുകയും ബ്ലോക്ക് പഞ്ചായത്ത് 2015-16 ലെ പദ്ധതി വിഹിതത്തില് നിന്നും എട്ടുലക്ഷം രൂപ അനുവദിക്കുകയും മുന് പഞ്ചായത്തംഗം ജയകുമാരി പഞ്ചായത്തില് നിന്നും ഒരുലക്ഷം രൂപ കൂടി നേടിയതിന്റെ ഫലമായി 9 ലക്ഷം രൂപയ്ക്ക് ചിറ്റുമൂല മൈതാനത്ത് നിര്മ്മാണ പ്രവര്ത്തനം ആരംഭിച്ച അംഗന്വാടി കെട്ടിടമാണ് ഇപ്പോള് നിര്മ്മാണം പൂര്ത്തീയാക്കിയത്.
ചിറ്റുമൂലയില് അംഗന്വാടി കെട്ടിടം യാഥാര്ത്ഥ്യമായി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.