ചക്കുളത്തുകാവ് : ചക്കുളത്തുകാവ് ശ്രീ ഭഗവതീ ക്ഷേത്രത്തിലെ തിരു ആറാട്ടും മഞ്ഞനീരാട്ടും ഇന്ന് നടക്കും. പന്ത്രണ്ടുനോയമ്പു മഹോത്സവത്തിന്റെ സമാപന ദിവസമായ ഇന്ന് രാവിലെ ഒന്പത് മുതല് ആനപ്രമ്പാല് ശ്രീ ധര്മ്മശാസ്ത്രാ ക്ഷേത്രത്തില് നിന്ന് കാവടി, കരകം, മുത്താരമ്മന് കോവിലില് നിന്ന് എണ്ണക്കുടം വരവ് എന്നിവയെ വാദ്യമേളങ്ങളുടെയും മുത്തുക്കുടകളുടെയും നിശ്ചലദൃശ്യങ്ങളുടെയും കെട്ടുക്കാഴ്ചകളുടെയും അകമ്പടിയോടെ ആഘോഷപൂര്വ്വം ചക്കുളത്തുകാവിലേക്ക് എഴുന്നള്ളിക്കും.
തുടര്ന്ന് മഞ്ഞനീരാട്ടും ചക്കരക്കുളത്തിലാറാട്ടും കൊടിയിറക്കും ക്ഷേത്രമുഖ്യകാര്യദര്ശി രാധാകൃഷ്ണന് നമ്പൂതിരിയുടെയുംചീഫ് അഡ്മിനിസ്ട്രേറ്റര് മണിക്കുട്ടന് നമ്പൂതിരിയുടെയും ഒളശ്ശ മംഗലത്തിലത്ത് ഗോവിന്ദന് നമ്പൂതിരിയുടെയും കാര്മ്മികത്വത്തില് നടക്കും. വൈകിട്ട് ആറിന് കാരിക്കുഴി എല്.പി. സ്കൂളിനു സമീപത്തുള്ള താല്കാലിക കാണിക്കമണ്ഡപത്തില് നിന്നും താലപ്പൊലി ഘോഷയാത്ര,
രാത്രി ഒന്പതിന് ചലചിത്രതാരങ്ങളായ രമേശ് പിഷാരടിയും ധര്മ്മജന് ബോള്ഗാട്ടിയും അവതരിപ്പിക്കുന്ന ഹാസ്യ മെഗാ ഷോയും നടക്കും.
