സ്‌നേഹം

പുലരിവെളിച്ചം പരക്കുന്നനേരത്ത്

കുഞ്ഞിക്കുറുഞ്ഞിയാം പൂച്ചവന്നു.

കാലിലവള്‍വന്നു ചുറ്റിക്കളിക്കുമ്പോള്‍

കൈകൊണ്ടുവാരിയെടുത്തുഞാനും.

കാച്ചിയപാലുനിലത്തൊഴിയ്‌ക്കുന്നേരം

കണ്ണടച്ചൊക്കെകുടിച്ചു പൂച്ച.

വാതില്‍ക്കല്‍ നില്‍ക്കുന്ന നായയതു-

കണ്ടു വല്ലാത്തശബ്ദമെടുത്തുനിന്നു.

സ്‌നേഹമന്യര്‍ക്കായി പകരുന്നനേരത്തു

ജീവികള്‍ക്കുള്ളില്‍ പകയുദിയ്‌ക്കും.

ജീവിതമൊക്കെ പഠിയ്‌ക്കുന്നനേരത്ത്

കാണാം പലവിധ ഏറ്റിറക്കം.

സ്‌നേഹത്തിനെല്ലാം ഒരേമുഖംകാണുന്നു

കാലാന്തരത്തിലെ കണ്ണാടിയില്‍