തിരുവല്ല: ഇന്റര്‍ നാഷണല്‍ കരാട്ടേ ഓര്‍ഗ്ഗനൈസേഷന്‍ കേരള ഘടകത്തിന്റെ നേതൃത്വത്തില്‍ നടത്തുന്ന സംസ്ഥാനതല കരാട്ടേ ടൂര്‍ണമെന്റ് ഇന്ന് രാവിലെ 10ന് പുല്ലാട് ദേവിക ഓഡിറ്റോറിയത്തില്‍ ജില്ലാ കളക്ടര്‍ എസ്. ഹരികിഷോര്‍ ഉദ്ഘാടനം ചെയ്യും. സംഘാടക സമിതി ചെയര്‍മാന്‍ വി.ആര്‍. അജയകുമാര്‍ അദ്ധ്യക്ഷത വഹിക്കും.
ക്യോകുഷിന്‍ കായ് കാന്‍ ഫുള്‍ കോണ്‍ടാക്റ്റ് എന്ന പേരില്‍ അറിയപ്പെടുന്ന പൂര്‍ണ്ണസജ്ജമായ കരാട്ടേ രീതിയുടെ സംസ്ഥാന ചാമ്പ്യന്‍ഷിപ്പാണ് നടക്കുന്നത്. രാവിലെ 11നും വൈകിട്ട് 5.30നും കരാട്ടേ പ്രദര്‍ശനം നടക്കും. വൈറ്റ്, ഓറഞ്ച്, ബ്‌ളൂ, യെല്ലോ, ഗ്രീന്‍, ബ്രൗണ്‍ ബെല്‍റ്റുകളില്‍ പ്രത്യേകം പ്രത്യേകം മത്സരങ്ങള്‍ നടക്കും. നൂറോളം മത്സരാര്‍ഥികള്‍ പങ്കെടുക്കുമെന്ന് ഐകെഒ കേരളഘടകം സെക്രട്ടറി മുഹമ്മദ് നിസാം ജില്ലാസെക്രട്ടറി കെ.ആര്‍. മനോജ് എന്നിവര്‍ അറിയിച്ചു.
ഉദ്ഘാടന ചടങ്ങില്‍ ബ്‌ളോക്ക് പഞ്ചായത്ത് പ്രസിഡന്റ് നിര്‍മ്മല മാത്യൂസ് മുഖ്യപ്രഭാഷണം നടത്തും. ഇരവിപേരൂര്‍ ഗ്രാമ പഞ്ചായത്ത് വൈസ്പ്രസിഡന്റ് എന്‍. രാജീവ്, പഞ്ചായത്ത് അംഗം ശ്രീകുമാരി, ഐകെഒ കേരള-തമിഴ്‌നാട് ബ്രാഞ്ച് ചീഫ് ആനന്ദ്‌ലാല്‍ എന്നിവര്‍ പ്രസംഗിക്കും.
പ്രതികരിക്കാൻ ഇവിടെ എഴുതുക: