ഇലന്തൂര്‍: പുരാതനമായ കളയ്‌ക്കാട്ടു കാവിലൂടെ വഴിവെട്ടി കാവിനെ നശിപ്പിക്കാനുള്ള ജനപ്രതിനിധിയുടെ ശ്രമം നാട്ടുകാര്‍തടഞ്ഞു. ഇലന്തൂര്‍ ഹരിജന്‍ കോളനിയിലേക്ക് കളയ്‌ക്കാട്ടുകാവിന്റെസമീപത്തുകൂടി നിലവില്‍ ഒരുവഴിയുണ്ടായിട്ടും കാവിന്റെ മദ്ധ്യഭാഗത്തുകൂടി വീണ്ടും ഒരു വഴികൂടി പന്ത്രണ്ടാം വാര്‍ഡ് ജനപ്രധിനിധിയുടെ സാന്നിദ്ധ്യത്തിലാണ് വെട്ടിയത്.ഇലന്തൂരിലെ പുളിനില്‍ക്കുന്നതില്‍ കുടുംബത്തിന്റെ ഉടമസ്ഥതയിലുള്ള കളയ്‌ക്കാട്ടുകാവില്‍ 40 വര്‍ഷങ്ങളായി രാഷ്‌ട്രീയ സ്വയം സേവക സംഘത്തിന്റെ ശാഖ നടക്കുന്നു. ഇലന്തൂരിലെ സംഘപരിവാര്‍ പ്രസ്ഥാനങ്ങളെ നശിപ്പിക്കുവാനുള്ള ഗൂഡാലോചനയുടെ ഭാഗമായിട്ടാണ് ഈ നടപടി. സംഭവത്തില്‍ സംഘപരിവാര്‍ പ്രവര്‍ത്തകര്‍ ഇലന്തൂരില്‍ പ്രതിഷേധ പ്രകടനം നടത്തി.
പ്രതിഷേധ പ്രകടനത്തിന് ഹിന്ദു ഐക്യവേദി താലൂക്ക് വൈസ് പ്രസിഡന്റ് വിശ്വനാഥന്‍, ആര്‍എസ്എസ് താലൂക്ക് സമ്പര്‍ക്ക പ്രമുഖ് ടി.പി.സുഭാഷ് കുമാര്‍, താലൂക്ക് ശാരീരിക് പ്രമുഖ് സി.ബി.ബിജോയി, മണ്ഡല്‍ കാര്യവാഹ് ഒ.കെ.വിമല്‍ദാസ്, ബിജെപി പഞ്ചായത്ത് പ്രസിഡന്റ് ജി.വിദ്യാധിരാജന്‍,ബാലഗോകുലം ജില്ലാസമിതിയംഗം ജി.ജയകുമാര്‍, മണ്ഡല്‍ ബൗദ്ധിക് പ്രമുഖ് സി.വി. വിനു എന്നിവര്‍ നേതൃത്വം നല്‍കി.
പ്രതികരിക്കാൻ ഇവിടെ എഴുതുക: