കൃഷ്ണാര്‍ച്ചന ശ്രദ്ധേയയാകുന്നു

പത്തനംതിട്ട: മുനിസിപ്പല്‍ സ്റ്റേഡിയത്തില്‍ നടക്കുന്ന ജില്ലാ സ്‌കൂള്‍ കായിക മേളയില്‍ കൃഷ്ണാര്‍ചന ശ്രദ്ധേയയാകുന്നു. ജൂനിയര്‍ പെണ്‍കുട്ടികളുടെ വിഭാഗത്തില്‍ 1500 മീറ്റര്‍ ഓട്ടത്തില്‍ 5:50:76 എന്ന സമയത്തോടെയും 800 മീറ്റര്‍ ഓട്ടത്തില്‍ 2:44:80 എന്ന സമയത്തോടെയും ഒന്നാം സ്ഥാനം കരസ്ഥമാക്കി. ഇന്ന് നടക്കുന്ന 3000 മീറ്റര്‍ ഓട്ടത്തിലും പ്രതീക്ഷയുണ്ട്. ഇലവുതിട്ട, മുട്ടത്തുകോണം അനുഷ നിവാസിലെ കൃഷ്ണന്‍ കുട്ടിയുടെ മകളാണ്. അമ്മ തുളസി സ്‌കൂള്‍ തലങ്ങളില്‍ സ്‌പോര്‍ട്‌സ് മത്സരങ്ങളില്‍ പങ്കെടുത്തിട്ടുണ്ട്. പത്തനംതിട്ട മാര്‍ത്തോമ ഹയര്‍ സെക്കണ്ടറി സ്‌കൂളില്‍ പഠിക്കുന്നു