കൊട്ടാരക്കര: നഗരസഭയിലെ ആദ്യകൗണ്സിലര്മാര് സത്യപ്രതിജ്ഞ ചെയ്ത് അധികാരമേറ്റു. ഇന്നലെ രാവിലെ പത്തിന് തന്നെ നഗരസഭാങ്കണത്തില് പ്രത്യേകം തയ്യാറാക്കിയ പന്തലില് അംഗങ്ങള് സത്യവാചകം ചൊല്ലാന് അണിനിരന്നു. റിട്ടേണിംഗ് ഓഫീസര് സുധ, മുതിര്ന്ന അംഗമായ സൈനലാബ്ദീനെ സത്യവാചകം ചൊല്ലാന് ക്ഷണിച്ച് പ്രതിജ്ഞ ചൊല്ലി കൊടുത്തതോടെ ചടങ്ങുകള്ക്ക് തുടക്കമായി. തുടര്ന്ന് സൈനലാബ്ദീന് വാര്ഡ് ക്രമത്തില് അംഗങ്ങള്ക്ക് സത്യവാചകം ചൊല്ലികൊടുത്തു. സത്യപ്രതിജ്ഞക്ക് ശേഷം കൗണ്സില് ഹാളില് യോഗം ചേര്ന്ന് അംഗങ്ങള് പരസ്പരം പരിചയപ്പെട്ട് പിരിഞ്ഞു.
കന്നിക്കാരായായിരുന്നു കൂടുതലെങ്കിലും ഇതിന്റെ പതര്ച്ചയൊന്നും ഇല്ലാതെയാണ് അംഗങ്ങള് പ്രതിജ്ഞ ചൊല്ലിയത്. അപകടത്തില് പരിക്കേറ്റ ചികിത്സയിലിരിക്കുന്ന കൗണ്സിലര് ഗീതാസുധാകരനും പ്രതിജ്ഞക്ക് എത്തി. ഇരിപ്പിടത്തില് നിന്നെഴുന്നേറ്റ് അവിടെ നിന്നും തന്നെ സത്യപ്രതിജ്ഞ ചൊല്ലി. മുന്മന്ത്രി ബാലകൃഷ്ണപിള്ളയും ഐഷാപോറ്റി എംഎല്എയും ചടങ്ങില് പങ്കെടുത്ത് അംഗങ്ങള്ക്ക് ആശംസ നേര്ന്നു.
മുന്സിപ്പല് സെക്രട്ടറി പി.ഗോപാലകൃഷ്ണപിള്ള, എ.ആര്.ഒ ജ്യോതിലക്ഷ്മി, മുന്സിപ്പല് എഞ്ചിനീയര് വിജയന്പിള്ള, അസി.സെക്രട്ടറി കെ.രാജ്കുമാര്, സബിത എന്നിവര് ചടങ്ങില് സംബന്ധിച്ചു. ആശംസ അര്പ്പിക്കാന് എത്തിയ മുന്മന്ത്രി ആര്.ബാലകൃഷ്ണപിള്ള പഞ്ചായത്തിന്റെ മുഖം നഗരത്തിന്റെ മുഖമാക്കിമാറ്റണമെന്ന് ആവശ്യപ്പെട്ടു. നഗരവികസന ഫണ്ട് പൂര്ണമായി ഉപയോഗിച്ച് ചപ്പുചവറുകള് പൂര്ണമായി സംസ്ക്കരിക്കുവാനുള്ള നടപടി ഉണ്ടാവണം. അതിപുരാതനമായ കൊട്ടാരക്കര മാര്ക്കറ്റ് വിപുലീകരിക്കണം. റോഡുകളിലെ പഴയ ഇലക്ട്രിക്ക് പോസ്റ്റുകളും ടെലഫോണ് പോസ്റ്റുകളും മാറ്റിസ്ഥാപിച്ച് റോഡ് വികസനം നടത്തണമെന്നും പിള്ള പ്രസംഗത്തില് പറഞ്ഞു.
