പത്തനംതിട്ട : തെരഞ്ഞെടുപ്പ് ഫലം ആറന്മുള എംഎല്എയ്ക്കുള്ള മറുപടിയെന്ന് നാട്ടുകാര്‍. ആറന്മുളയിലെ നെല്‍വയലുകളും തണ്ണീര്‍ത്തടങ്ങളും ഇല്ലാതാക്കാന്‍ കൂട്ടുനിന്ന സ്ഥലം എംഎല്എയ്ക്കുള്ള ജനങ്ങളുടെ മറുപടിയാണ് തെരഞ്ഞെടുപ്പ് ഫലം സൂചിപ്പിക്കുന്നതെന്ന് നാട്ടുകാര്‍പറയുന്നു. ആറന്മുള വിമാനത്താവള പദ്ധതി പ്രദേശം ഉള്‍പ്പെടുന്ന ആറന്മുള, മല്ലപ്പുഴശ്ശേരി ഗ്രാമപഞ്ചായത്തുകളില്‍ യുഡിഎഫിന് വന്‍ തിരിച്ചടിയാണ് നേരിട്ടത്. യുഡിഎഫ് ഭരിച്ചിരുന്ന ഇരുപഞ്ചായത്തുകളിലും ഭരണം നഷ്ടപ്പെട്ടു. ജില്ലയില്‍ യുഡിഎഫ് വിജയം അവകാശപ്പെട്ട് ജില്ലാ ആസ്ഥാനത്തടക്കം ആഘോഷങ്ങള്‍ നടത്തിയപ്പോഴും ആറന്മുള എംഎല്‍എ വിജയാഘോഷത്തില്‍ പങ്കെടുക്കാനാവാതെ വീടിനുള്ളില്‍ ഒതുങ്ങിയെന്ന് ആക്ഷേപം കോണ്‍ഗ്രസുകാര്‍തന്നെ ഉന്നയിക്കുന്നു. ജയിച്ച യുഡിഎഫ് ജനപ്രതിനിധികളില്‍ ചിലര്‍ വീട്ടിലെത്തിയാണ് നേതാവിനെ കണ്ടത്. എംഎല്‍എയുടെ വാര്‍ഡുപോലും യുഡിഎഫിനെ കൈവെടിഞ്ഞു. തെരഞ്ഞെടുപ്പുഫലം ആറന്മുള വിമാനത്താവളത്തിനെതിരേയുള്ള ജനവിധിയാണെന്ന് ആറന്മുള പൈതൃകഗ്രാമകര്‍മ്മസമിതിയും വ്യക്തമാക്കിയിട്ടുണ്ട്.
Sunday, November 24, 2024
തെരഞ്ഞെടുപ്പ് ഫലം ആറന്മുള എംഎല്എയ്ക്കുള്ള മറുപടിയെന്ന് നാട്ടുകാര്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: