കൊച്ചി: രാജ്യാന്തര ചലച്ചിത്രോത്സവത്തിന്റെയും, ഫിലിം മാര്‍ക്കറ്റിന്റെയും ഡെലിഗേറ്റ് പാസ്സുകള്‍ കൊച്ചി എം.ജി റോഡില്‍, സെന്റര്‍ സ്‌ക്വയര്‍ മാളിലെ സിനിപോളിസ് തിയേറ്റര്‍ കോംപ്ലക്‌സില്‍ നിന്നും വിതരണം ചെയ്യും. ഓണ്‍ലൈനായി രജിസ്റ്റര്‍ ചെയ്തവര്‍ രേഖകള്‍ കാണിച്ച് പാസുകള്‍ വാങ്ങണം. ഓണ്‍ലൈന്‍ രജിസ്ട്രഷന്‍ തുടര്‍ന്നു വരുന്നു.
വെബ്ബ് www.a-l-i-i-ff.com. മുതിര്‍ന്നവര്‍ക്ക് 500 രൂപയും, വിദ്യാര്‍ഥികള്‍ക്ക് 300 രൂപയുമാണ് രജിസ്ട്രഷന്‍ ഫീസ്. വിവിധ രാജ്യങ്ങളില്‍ നിന്നും, ഇന്ത്യയിലെ പ്രാദേശിക ഭാഷാകളില്‍ നിന്നും തിരഞ്ഞെടുത്ത 131 സിനിമകളാണ് പ്രദര്‍ശനത്തിനെത്തുന്നത്.
ഹോളിവുഡ്, ബോളിവുഡ് സിനിമ രംഗത്തെ പ്രമുഖരായ കമലഹാസന്‍, മോഹന്‍ലാല്‍, ദഗ്ഗുപതി വെങ്കടേഷ്, മഞ്ചു വാര്യര്‍, കല്‍കി കോച്ചലിന്‍, നിക്കി ഗില്‍റാണി തുടങ്ങിയവരുടെ സാന്നിദ്ധ്യം മേളയ്‌ക്ക കൊഴുപ്പേകും.
15 മുതല്‍ 20 വരെയാണ് സിനിപോളിസ്, ലി മെരിഡിയന്‍, ദര്‍ബാര്‍ ഹാള്‍ തുടങ്ങിയവയിലായി ചലച്ചിത്രോത്സവമെന്ന് ആലിഫ് വൈസ് പ്രസിഡന്റ് ശ്യാം കുറുപ്പ് പറഞ്ഞു.
പ്രതികരിക്കാൻ ഇവിടെ എഴുതുക: