തൃക്കരിപ്പൂര്‍: തൃക്കരിപ്പൂരില്‍ സിപിഎം അക്രമം തുടരുന്നു. ഒളവറയില്‍ ആര്‍എസ്എസ് നേതാവിന്റെ വീടിനു നേരെയുണ്ടായ കല്ലേറില്‍ ജനല്‍ ചില്ലുകള്‍ തകര്‍ന്നു. ഒളവറ റെയില്‍വേ ഗെയിറ്റിനു സമീപത്തെ ആര്‍എസ്എസ് തൃക്കരിപ്പൂര്‍ മണ്ഡലം ബൗദ്ധിക് പ്രമുഖ് ടി.വി.ഷിബിന്റെ വീടിന് നേരെയാണ് കല്ലേറുണ്ടായത്. ഇന്നലെ പുലര്‍ച്ചെ നാല് മണിയോടെയായിരുന്നു സംഭവം. ജനല്‍ ചില്ലുകള്‍ തകരുന്ന ശബ്ദം കേട്ട് വീട്ടുകാര്‍ ഉണര്‍ന്നപ്പോഴേക്കും ആക്രമി ഓടി രക്ഷപ്പെട്ടിരുന്നു.
നീലേശ്വരം ബ്ലോക്ക് പഞ്ചായത്ത് ഒളവറ ഡിവിഷനിലെ ബിജെപി സ്ഥാനാര്‍ഥി ഇ.ഇന്ദുവിന്റെ ചീഫ് പോളിംഗ് ഏജന്റാണ് ഷിബിന്‍. ചന്തേര പോലീസ് സ്ഥലത്തെത്തി അനേഷണം ആരംഭിച്ചു. പോളിംഗ് ദിവസം ഇവരുടെ സ്ലിപ് കൊടുക്കുന്ന ബൂത്തിന് നേരെ ബൈക്കിലെത്തിയ സംഘം അക്രമം നടത്തിയിരുന്നു. ചെറുവത്തൂരില്‍ ബിജെപി പ്രവര്‍ത്തകനെ തടഞ്ഞ് വെച്ച് മര്‍ദ്ദിച്ചു. മംഗലാപുരത്ത് ആശുപത്രിയില്‍ പോയി വരികയായിരുന്ന കാരിയിലെ എം.ഷൈജു(28)നെയാണ് സിപിഎം പ്രവര്‍ത്തകര്‍ ആക്രമിച്ചത്. പരിക്കേറ്റ ഷൈജുവിനെ തൃക്കരിപ്പൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.
പ്രതികരിക്കാൻ ഇവിടെ എഴുതുക: