മട്ടന്നൂര്‍: 19-ാം മൈലില്‍ ഓട്ടോയും ബസ്സും കൂട്ടിയിടിച്ച് ഓട്ടോ െ്രെഡവര്‍ മരിച്ചു. യാത്രക്കാരായ 4 പേര്‍ക്ക് പരിക്ക്. ഇന്നലെ ഉച്ചയ്‌ക്ക് ഒരു മണിക്കാണ് അപകടം. മട്ടന്നുരില്‍ നിന്നും 19ാം മൈലിലേക്ക് പോവുകയായിരുന്ന ഓട്ടോറിക്ഷ മറ്റൊരു ബസ്സിനെ മറികടക്കുന്നതിനിടെ എതിരെ വന്ന സ്വകാര്യ ബസ്സിലിടിക്കുകയായിരുന്നു. ഗുരുതരമായി പരിക്കേറ്റ ഓട്ടോെ്രെഡവെറെ നാട്ടുകാര്‍ ആശുപത്രിയില്‍ എത്തിച്ചെങ്കിലും മരണം സംഭവിക്കുകയായിരുന്നു. ചാവശ്ശേരി പറമ്പില്‍ ബംഗ്ലാവിന് സമീപം റമീസ മന്‍സിലില്‍ മോഡേണ്‍ ഷമീര്‍ എന്ന ഷമീര്‍ (32) ആണ് മരണപെട്ടത്. അപകടത്തില്‍ ഗുരുതരമായി പരിക്കേറ്റ ചിരുതൈ(53), ചെറുമകന്‍ അഭിജിത്ത് (07)എന്നിവരെ പരിയാരം മെഡിക്കല്‍ കോളേജിലും നിസ്സാര പരിക്കേറ്റ റീന(30), മകള്‍ ആദിത്യ (2)എന്നിവരെ കണ്ണൂര്‍ സ്വകാര്യ ആശുപത്രിയിലും പ്രവേശിപ്പിച്ചു.
അബ്ദുള്ള -നബിസു ദമ്പതികളുടെ മകനാണ് ഷമിര്‍. ഭാര്യ: ആയിഷ. മക്കള്‍: അജ്മല്‍, അസ്മില്‍, ഷബാന. സഹോദരങ്ങള്‍: അസിസ്, അശ്രഫ്,ഇബ്രാഹിം, ഫാത്തിമ, ശംസുദ്ദിന്‍, ശാഹിന, സുലൈഖ, റമീസ.
പ്രതികരിക്കാൻ ഇവിടെ എഴുതുക: