തലവടി: വിജയദശമിയോടനുബന്ധിച്ച് ചക്കുളത്തുകാവില് വെള്ളിയാഴ്ച പുലര്ച്ചെ മുതല് കുട്ടികള്ക്ക് ആദ്യാക്ഷരം കുറിക്കുന്ന ചടങ്ങ് നടന്നു. യുഎന് വിദഗ്ധ സമിതി ചെയര്മാന് ഡോ. സി.വി. ആനന്ദ ബോസ് രചിച്ച കവിതാ സമാഹാരത്തിന്റെ സമര്പ്പണവും പ്രകാശനവും നടന്നു. കവിതാ സമാഹാരം രമേശ് ഇളമണ് നമ്പൂതിരിക്ക് നല്കി ക്ഷേത്ര മുഖ്യകാര്യദര്ശി രാധാകൃഷ്ണന് നമ്പൂതിരി പ്രകാശന കര്മ്മം നിര്വഹിച്ചു.
ക്ഷേത്ര കാര്യദര്ശി മണിക്കുട്ടന് തിരുമേനി അദ്ധ്യക്ഷത വഹിച്ചു. കവിതാ സമാഹാരത്തിന്റെ ആലാപനം പ്രമുഖ സംഗീതജ്ഞരായ മോഹന്ദാസും പത്നി വിജയയും നിര്വഹിച്ചു. ഡോ. സി.വി ആനന്ദബോസ് മുഖ്യ പ്രഭാഷണം നടത്തി.
ക്ഷേത്ര അഡ്മിനിസ്ട്രേറ്റര് അഡ്വ. കെ.കെ. ഗോപാലകൃഷ്ണന് നായര്, ഹരിക്കുട്ടന് നമ്പൂതിരി, കങ്ങഴ വാസുദേവന് നമ്പൂതിരി, പി.ഡി. കുട്ടപ്പന് എന്നിവര് ആശംസ അര്പ്പിച്ചു. തുടര്ന്ന് ചക്കുളത്തമ്മ നൃത്തസംഗീതോത്സവത്തിന്റെ സമാപനം കുറിച്ച് കുമാരി ആര്യ വേണു, അഞ്ജന വേണു എന്നിവരുടെ സംഗീതാര്ച്ചനയും പിന്നണി ഗായിക കുമാരി അഭിരാമി അജയ്, ഡോ. മണക്കാല ഗോപാലകൃഷ്ണന് എന്നിവരുടെ സംഗീതസദസും നടന്നു.
