തിരുവനന്തപുരം: കേരള സംസ്ഥാന ചലച്ചിത്ര അക്കാദമി ഡിസംബര്‍ നാലു മുതല്‍ 11 വരെ തിരുവനന്തപുരത്ത് നടത്തുന്ന ഇരുപതാമത് രാജ്യാന്തര ചലച്ചിത്രമേളയുടെ സിഗ്‌നേച്ചര്‍ ഫിലിമിനായി മത്സരം സംഘടിപ്പിക്കുന്നു. 20 സെക്കന്‍ഡാണ് ചിത്രത്തിന്റെ ദൈര്‍ഘ്യം. പ്രഗത്ഭരടങ്ങുന്ന ജൂറിയായിരിക്കും എന്‍ട്രികള്‍ പരിശോധിക്കുന്നത്.
ഏറ്റവും മികച്ച സൃഷ്ടിക്ക് 25,000 രൂപയാണ് അവാര്‍ഡ്. മേളയുടെ ഉദ്ഘാടന ചടങ്ങില്‍ അവാര്‍ഡ് സമ്മാനിക്കും.
നവീന ആശയങ്ങളും സ്റ്റോറി ബോര്‍ഡും തയാറാക്കി ഒക്‌ടോബര്‍ 20നുമുമ്പ് സെക്രട്ടറി, ചലച്ചിത്ര അക്കാദമി, ശാസ്തമംഗലം, തിരുവനന്തപുരം-695010 എന്ന മേല്‍വിലാസത്തില്‍ നേരിട്ടോ തപാലിലോ എത്തിക്കേണ്ടതാണ്. വിശദവിവരങ്ങള്‍ക്ക് 8137990802 എന്ന ഫോണില്‍ ബന്ധപ്പെടണം.
പ്രതികരിക്കാൻ ഇവിടെ എഴുതുക: