കൊച്ചി: ബോളിവുഡ് സംഗീതത്തിന്റെ കഴിഞ്ഞ നൂറ് വര്‍ഷത്തെ മധുരസ്മരണകളുമായി ഒക്ടോബര്‍ 11-ന് രാത്രി ഏഴിന് 100 ഇയേഴ്‌സ് ഓഫ് ബോളിവുഡ് മ്യൂസിക് എന്ന പേരില്‍ പ്രത്യേക സംഗീതപരിപാടിയൊരുക്കുന്നു.
ബോളിവുഡ് സിനിമകളിലെ സംഗീതത്തിന്റെ ചരിത്രം പാട്ടുകളുടെയും നൃത്തത്തിന്റെയും വിവരണങ്ങളുടെയും അകമ്പടിയോടെയാണ് വേദിയില്‍ അവതരിപ്പിക്കുന്നത്. സംഗീതസംവിധായകരായ നൗഷാദ്, എസ്.ഡി. ബര്‍മന്‍, ഒ.പി. നയ്യാര്‍, മദന്‍മോഹന്‍, ലക്ഷ്മികാന്ത് പ്യാരേലാല്‍, ആര്‍.ഡി. ബര്‍മന്‍ തുടങ്ങിയവരുടെ പാട്ടുകള്‍ തുടങ്ങി ഏറ്റവും പുതിയ സംഗീതസംവിധായകരുടെ വരെ പാട്ടുകള്‍ വേദിയിലെത്തും.
മധുരസ്വരങ്ങളായി മനസില്‍ മായാതെ നില്‍ക്കുന്ന ലത മങ്കേഷ്‌കര്‍, മുഹമ്മദ് റാഫി, മുകേഷ,് കിഷോര്‍ കുമാര്‍, മന്നാ ഡേ തുടങ്ങിയ പഴയകാല തലമുറകള്‍ക്കൊപ്പം സോനുനിഗം, ശ്രേയ ഘോഷാല്‍ എന്നിവരുടെ ഗാനങ്ങളുമുണ്ടാകും. ടിക്കറ്റുകള്‍ക്ക് 8086881681/9349528057.
പ്രതികരിക്കാൻ ഇവിടെ എഴുതുക: