ജില്ലാ പഞ്ചായത്ത് : മടിക്കൈ പട്ടികജാതിക്കും ബേഡകം പട്ടികവര്‍ഗ്ഗത്തിനും സംവരണം 

കാസര്‍കോട്: തദ്ദേശസ്വയംഭരണ സ്ഥാപങ്ങളിലേക്കുളള പൊതുതിരഞ്ഞെടുപ്പിന് വേണ്ടി ജില്ലാ പഞ്ചായത്തിലെ സംവരണ ഡിവിഷനുകള്‍ തെരഞ്ഞെടുത്തു. കളക്ടറേറ്റ് മിനി കോണ്‍ഫറന്‍സ് ഹാളില്‍ നടന്ന ചടങ്ങില്‍ ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കളക്ടര്‍ പിഎസ് മുഹമ്മദ് സഗീറാണ് നെറുക്കെടുപ്പ് നടത്തിയത്. തെരഞ്ഞെടുപ്പ് ഡെപ്യൂട്ടി കളക്ടര്‍ ഡോ. എം. സി റെജില്‍ നടപടിക്രമങ്ങള്‍ വിശദീകരിച്ചു. ജില്ലാ പഞ്ചായത്ത് അംഗങ്ങള്‍, വിവിധ രാഷ്‌ട്രീയ കക്ഷി പ്രതിനിധികള്‍ തുടങ്ങിയവര്‍ പങ്കെടുത്തു. ജില്ലാ പഞ്ചയത്തിലെ 17 നിയോജകമണ്ഡലങ്ങളില്‍ 11-ാം മണ്ഡലം മടിക്കൈ പട്ടികജാതിക്കും അഞ്ചാം മണ്ഡലം ബേഡകം പട്ടികവര്‍ഗ്ഗത്തിനും സംവരണം ചെയ്തു. രണ്ടാം മണ്ഡലമായ പുത്തിഗെ,04 ദേലംപാടി, 06 കളളാര്‍, 07 ചിറ്റാരിക്കല്‍, 09 പിലിക്കോട്, 10 ചെറുവത്തൂര്‍, 14 ചെങ്കള, 15 സിവില്‍ സ്റ്റേഷന്‍, 17 മഞ്ചേശ്വരം എന്നിവ സ്ത്രീ സംവരണ മണ്ഡലങ്ങളാണ്. 01 വോര്‍ക്കാടി, 03 എടനീര്‍, 08 കരിന്തളം, 12 പെരിയ, 13 ഉദുമ, 16 കുമ്പള എന്നിവയാണ് ജനറല്‍ നിയോജക മണ്ഡലങ്ങള്‍.