കണ്ണൂര്‍: ന്യൂനപക്ഷ വര്‍ഗ്ഗീയതയുടെ ഭാഗമായി വ്യാപകമായ അക്രമം അഴിച്ചുവിടാന്‍ ശ്രമിക്കുന്ന എസ്ഡിപിഐ പോലുളള തീവ്രവാദ സംഘടനകളുടെ ഭീഷണി രാജ്യത്തിനും സമൂഹത്തിനും ഒരു പോലെ ആപല്‍ക്കരമാണെന്ന് മുസ്ലീം ലീഗ് ഭാരവാഹികള്‍ പത്രസമ്മേളനത്തില്‍ പറഞ്ഞു. എസ്ഡിപിഐക്കാര്‍ ഇരിട്ടി, മട്ടന്നൂര്‍ മേഖലകളില്‍ ലീഗ് നേതാക്കള്‍ക്കെതിരെ നടത്തിയ അക്രമം ഇതിനുദാഹരണമാണെന്നും ഇവര്‍ പറഞ്ഞു. മുസ്ലീം ലീഗിന്റെ ജില്ലാ വൈസ് പ്രസിഡണ്ടിനും മട്ടന്നൂര്‍ മണ്ഡലം സെക്രട്ടറിക്കും നേരെ എസ്ഡിപിഐ നടത്തിയ അക്രമം ഉന്നതതല ഗൂഢാലോചനയുടെ ഭാഗമാണ്. കേസന്വേഷണത്തില്‍ പോലീസ് വേണ്ടത്ര ജാഗ്രത കാണിക്കുന്നില്ലെന്നും ഇത് ആശങ്കാജനകമാണെന്നും ജില്ലാ നേതൃത്വത്തിനടക്കം ഇതില്‍ പങ്കുണ്ടെന്നും ഇവരെ നിയമത്തിനു മുന്നില്‍ കൊണ്ടുവരണമെന്നും നേതാക്കള്‍ ആരോപിച്ചു. പത്രസമ്മേളനത്തില്‍ മുസ്ലീം ലീഗ് സംസ്ഥാന വൈസ് പ്രസിഡണ്ട് അബ്ദുള്‍ഖാദര്‍ മൗലവി, ജില്ലാ പ്രസിഡണ്ട് കെ.എം.സൂപ്പി തുടങ്ങിയവര്‍ പങ്കെടുത്തു.
Tuesday, November 26, 2024
എസ്ഡിപിഐയുടെ ഭീഷണി രാജ്യത്തിനും സമൂഹത്തിനും ആപല്‍ക്കരം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: