ഇരിക്കൂര്‍: തളിപ്പറമ്പ്-ഇരിട്ടി സംസ്ഥാന പാതയില്‍ പെരുവളത്തു പറമ്പ കുളിഞ്ഞ കുന്നുമ്പ്രത്ത് മുത്തപ്പന്‍ മടപ്പുര കവല, വയക്കര വളവ്, സ്വാമിമൊട്ട എന്നിവിടങ്ങളില്‍ അപകടകരമായ രീതിയില്‍ റോഡ് മറഞ്ഞ് വളര്‍ന്ന കാടുകള്‍ വെട്ടിത്തെളിച്ച് അയ്യപ്പ സേവാസംഘം പ്രവര്‍ത്തകര്‍ മാതൃകയായി. അഖില ഭാരത അയ്യപ്പ സേവാസംഘം പെരുവളത്തുപറമ്പ് യൂണിറ്റിന്റെ നേതൃത്വത്തിലാണ് ശ്രമദാനം നടത്തിയത്. ഈ ഭാഗങ്ങളില്‍ റോഡിലേക്ക് കാടുവളര്‍ന്നതിനാല്‍ അപകടങ്ങള്‍ നിത്യസംഭവമായിരുന്നു. ചെറു വാഹനങ്ങളും ബൈക്ക് യാത്രികരുമാണ് ഏറെ ബുദ്ധിമുട്ട് നേരിട്ടിരുന്നത്. കൊടും വളവില്‍ സിഗ്നല്‍ ബോര്‍ഡുകള്‍ സ്ഥാപിക്കാനും വീതി കൂട്ടി ടാറിംഗ് ചെയ്യണമെന്നും ആവശ്യപ്പെട്ട് അയ്യപ്പ സേവാ സംഘം പ്രവര്‍ത്തകര്‍ അധികൃതര്‍ക്ക് നിവേദനം നല്‍കി. ശ്രമദാനത്തിന് എം.രാമദാസന്‍, സി.കെ.ശ്രീനിവാസന്‍, സി.നൈജു സൂരജ് മേലപ്രത്ത്, ജിജേഷ് കെ.ഷിജു, ഇ.കെ.ദിലീപ് കുമാര്‍, പി.പി.രാജേഷ്, എന്നിവര്‍ നേതൃത്വം നല്‍കി.
Tuesday, November 26, 2024
സംസ്ഥാന പാതയോരം വൃത്തിയാക്കി അയ്യപ്പസേവാസംഘം പ്രവര്‍ത്തകര്‍ മാതൃകയായി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: