കാശിയുടെ ദൃശ്യവിസ്മയ പശ്ചാത്തലത്തില്‍ മരണഭയം പ്രമേയമായിട്ടൊരുങ്ങുന്ന ചിത്രമാണ് ‘ദേവയാനം’ കെ.പി.എ.സി.ലളിത നായികയായെത്തുന്ന ചിത്രത്തില്‍ നൃത്തത്തിനും സംഗീതത്തിനും ഏറെ പ്രാധാന്യം നല്‍കുന്നു.
ഏയ്ഞ്ചല്‍ ബോയ്‌സ് ക്രിയേഷന്‍സിന്റെ ബാനറില്‍ അഡ്വ. ഷോബി ജോസഫ്, ശെല്‍വകുമാര്‍ എന്നിവര്‍ ചേര്‍ന്ന് നിര്‍മ്മിക്കുന്ന ചിത്രത്തിന് കഥയെഴുതി സംവിധാനം നിര്‍വ്വഹിക്കുന്നത് സുകേഷ് റോയിയാണ്.
തിരക്കഥ-സംഭാഷണം-അഡ്വ. സി.ആര്‍. അജയ്കുമാര്‍, ഛായാഗ്രഹണം-ക്രിഷ് കൈമള്‍, എഡിറ്റിംഗ്-ജോണ്‍കുട്ടി, കല-അര്‍ക്കന്‍, ചമയം-ബിനു കരുമം, കോസ്റ്റ്യും-നാഗരാജ്, പി.ആര്‍.ഓ-അജയ് തുണ്ടത്തില്‍, സംഗീതം-ചന്തുമിത്ര, ഗാനരചന-രാജീവ് ആലുങ്കല്‍,
ആലാപനം-മധു ബാലകൃഷ്ണന്‍, ഡോ.സജിത് പെരുമ്പാവൂര്‍, ജയശ്രീ രാജീവ്. കൈലാഷ്, മാളവിക മേനോന്‍, സുരാജ് വെഞ്ഞാറമൂട്, നീനാകുറുപ്പ്, ദേവി അജിത്, ബേബി അക്ഷര, മുന്‍ഷി വേണു, ശാന്തകുമാരി, സരിത എന്നിവരും അഭിനേതാക്കളായെത്തുന്നു.
പാലക്കാട്, ചിറ്റൂര്‍, കല്‍പാത്തി തുടങ്ങിയവയാണ് മറ്റു ലൊക്കേഷനുകള്‍. ഒക്‌ടോബര്‍ ആദ്യം പാലക്കാട് ചിത്രീകരണം ആരംഭിക്കും.
പ്രതികരിക്കാൻ ഇവിടെ എഴുതുക: