മട്ടന്നൂര്‍: കണ്‍സ്യൂമര്‍ ഫെഡിലെ അഴിമതികളെക്കുറിച്ച് സിബിഐ അന്വേഷിക്കണമെന്ന് ബിജെപി ജില്ലാ പ്രസിഡണ്ട് കെ.രഞ്ചിത്ത് ആവശ്യപ്പെട്ടു. കേരളത്തിലെ ലക്ഷക്കണക്കിന് വരുന്ന പാവപ്പെട്ടവര്‍ക്ക് ഗുണനിലവാരമുള്ള നിത്യോപയോഗ സാധനങ്ങള്‍ ന്യായവിലക്ക് നല്‍കാനുള്ള സംവിധാനമായിരുന്ന കണ്‍സ്യൂമര്‍ ഫെഡ് ജനങ്ങള്‍ക്ക് ഭാരമായി മാറിയിരിക്കുകയാണ്, ഭരണ-പ്രതിപക്ഷ കക്ഷികളില്‍പ്പെട്ട രാഷ്‌ട്രീയ പാര്‍ട്ടികളില്‍പ്പെട്ടവരും യൂണിയന്‍ നേതാക്കളും നടത്തിയ അഴിമതികളെക്കുറിച്ച് സിബിഐ അന്വേഷിച്ച് കുറ്റക്കാര്‍ക്കെതിരെ കര്‍ശന നടപടി സ്വീകരിക്കണമെന്നും രഞ്ചിത്ത് ആവശ്യപ്പെട്ടു. ബിജെപി മട്ടന്നൂര്‍ നിയോജക മണ്ഡലം പ്രവര്‍ത്തകയോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഉത്തരമലബാറിലെ ടൂറിസം വികസന സാധ്യതകള്‍ കണക്കിലെടുത്ത് കണ്ണൂര്‍ വിമാനത്താവളം രാജ്യാന്തര ഹബ്ബായി ഉയര്‍ത്താന്‍ നടപടി സ്വീകരിക്കണമെന്നും റണ്‍വേക്കായി സ്ഥലം ഏറ്റെടുക്കേണ്ടുന്ന ഭൂവുടമകളുടെ ആശങ്കകള്‍ പരിഹരിച്ച് ഭൂമിയേറ്റെടുക്കല്‍ നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു. യോഗത്തില്‍ സി.വി.വിജയന്‍ മാസ്റ്റര്‍ അധ്യക്ഷത വഹിച്ചു. വി.വി.ചന്ദ്രന്‍, വിജയന്‍ വട്ടിപ്രം, യു.ഇന്ദിര, സി.വി.നാരായണന്‍, എ.കൃഷ്ണന്‍, ഇ.നാരായണന്‍, എം.വി.ശശിധരന്‍, പി.ഗംഗാധരന്‍, എ.കെ.പ്രേമരാജന്‍, പി.രതീശന്‍, സി.കുഞ്ഞിക്കണ്ണന്‍, വി.ശ്രീധരന്‍, സി.ജാനകി എന്നിവര്‍ സംസാരിച്ചു.
Tuesday, November 26, 2024
കണ്‍സ്യൂമര്‍ ഫെഡിലെ അഴിമതി സിബിഐ അന്വേഷിക്കണം: ബിജെപി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: