ചേര്ത്തല: അപടങ്ങള്ക്ക് കാരണമാകുന്ന തരത്തിലുള്ള ദേശീയപാതയിലെ രാത്രികാല അനധികൃത പാര്ക്കിങ് കര്ശനമായി തടയണമെന്ന് താലൂക്ക് വികസനസമിതിയോഗം ആവശ്യപ്പെട്ടു. റേഷന് വിതരണത്തിലെ അളവുതൂക്ക അപാകത പരിഹരിക്കുന്നതിനായി റേഷന് വ്യാപാരികള്ക്കും, മൊത്തകച്ചവടക്കാര്ക്കും ഇലക്ട്രോണിക് ത്രാസ് സമ്പ്രദായം ഏര്പ്പെടുത്തുക, ദേശീയപാതയിലെ പാലങ്ങളിലെ റബ്ബര്ബുഷ് അടിയന്തരമായി മാറ്റി സ്ഥാപിക്കുക, സ്വകാര്യ ബസ് സ്റ്റാര്ഡിലെ വ്യാപാരികള്ക്ക് കച്ചവടത്തിന് തടസമാകുന്ന തരത്തിലുള്ള ബസുകളുടെ പാര്ക്കിങ് തടയുക തുടങ്ങിയ ആവശ്യങ്ങള് യോഗം ഉന്നയിച്ചു. ശ്രീനാരായണ മെമ്മോറിയല് ബോയ്സ് ഹയര് സെക്കന്ഡറി സ്കൂള് ഓഡിറ്റോറിയത്തില് ചേര്ന്ന യോഗത്തില് പി. തിലോത്തമന് എംഎല്എ അദ്ധ്യക്ഷത വഹിച്ചു. തഹസില്ദാര് കെ.ബി. ഷിബുകുമാര്, നഗരസഭ ചെയര്പേഴ്സണ് ജയലക്ഷ്മി അനില്കുമാര്, പി. രമേശപ്പണിക്കര്, ജോണ് പുളിക്കപ്പറമ്പില്, കെ.കെ. ബാലചന്ദ്രന്, ജോമി ചെറിയാന്, ജോര്ജ് ജോസഫ്, ഗോപിനാഥപിള്ള എന്നിവര് സംസാരിച്ചു.
















