എടവണ്ണ: ബിജെപി എടവണ്ണ പഞ്ചായത്ത് 16-ാം വാര്‍ഡ് സമ്മേളനത്തിനിടെ സാമൂഹ്യദ്രോഹികള്‍ അക്രമം നടത്തി. ബിജെപി പ്രവര്‍ത്തകരുടെ 25 ഓളം ബൈക്കുകള്‍ക്ക് കേടുപാടുകള്‍ വരുത്തി. സീറ്റുകള്‍ ബ്ലേയ്ഡ് ഉപയോഗിച്ച് കീറി.
പത്തപ്പിരിയം വായനശാലയിലെ പെരുങ്കുളം കോളനിയിലാണ് സമ്മേളനം നടന്നത്. മേഖല പ്രസിഡന്റ് കെ.രാഘവന്‍, ജില്ലാ സെക്രട്ടറി ബാബുരാജന്‍ മാസ്റ്റര്‍, സി.വാസുദേവന്‍ മാസ്റ്റര്‍ തുടങ്ങിയ നേതാക്കള്‍ സംസാരിച്ചു കൊണ്ടിരിക്കുമ്പോഴായിരുന്നു അക്രമം. സമ്മേളനം നടക്കുന്ന സ്ഥലത്തേക്ക് വരാതെ പ്രവര്‍ത്തകരുടെ വാഹനങ്ങളാണ് നശിപ്പിച്ചത്. സിപിഎമ്മിന്റെ ശക്തി കേന്ദ്രമായിരുന്ന പെരുങ്കുളം കോളനിയില്‍ ബിജെപിയുടെ സമ്മേളനം നടന്നതില്‍ രോക്ഷാകുലരായ ചിലരാണ് ഇതിന് പിന്നിലെന്ന് ബിജെപി നേതാക്കള്‍ ആരോപിച്ചു. നൂറോളം ആളുകളാണ് സിപിഎമ്മില്‍ നിന്നും രാജിവെച്ച് ബിജെപിയില്‍ ചേര്‍ന്നത്. അവരുടെ സംഗമമായിട്ടായിരുന്നു ബിജെപി വാര്‍ഡ് സമ്മേളനം നടത്തിയത്. എടവണ്ണ പോലീസില്‍ പരാതി നല്‍കിയിട്ടുണ്ട്. കുറ്റക്കാരായവരെ എത്രയും പെട്ടെന്ന് പിടികൂടണമെന്ന് ബിജെപി ഏറനാട് മണ്ഡലം കമ്മറ്റിയും എടവണ്ണ പഞ്ചായത്ത് കമ്മറ്റിയും അധികൃതരോട് ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: