മലപ്പുറം: അഴിമതി, നിയമനിരോധനം, പ്രീണന രാഷ്‌ട്രീയം എന്നിവക്കെതിരെ യുവമോര്‍ച്ച സംഘടിപ്പിക്കുന്ന സൈക്കിള്‍ റാലി നാളെ ആരംഭിക്കും. ജില്ലാ പ്രസിഡന്റ് അജി തോമസാണ് ജാഥാ ക്യാപ്റ്റന്‍. ആദ്യ ദിവസം നിലമ്പൂരില്‍ നിന്നും ആരംഭിക്കുന്ന റാലി ബിജെപി സംസ്ഥാന വക്താവ് വി.കെ.സജീവന്‍ ഉദ്ഘാടനം ചെയ്യും. മമ്പാട്, എടവണ്ണ, പത്തപ്പിരിയം, ആയമയൂര്‍ റോഡ്, മഞ്ചേരി, ആനക്കയം എന്നിവിടങ്ങളിലെ സ്വീകരണം ഏറ്റുവാങ്ങി മലപ്പുറത്ത് സമാപിക്കും.
രണ്ടാം ദിവസം മലപ്പുറത്ത് നിന്നും ആരംഭിക്കുന്ന ജാഥ അറവങ്കര, മൊറയൂര്‍, കൊണ്ടോട്ടി, കോട്ടപ്പുറം, പള്ളിക്കല്‍ ബസാര്‍, യൂണിവേഴ്‌സിറ്റി, ചേളാരി, കൊട്ടുമൂച്ചി, ചെട്ടിപ്പടി എന്നിവിടങ്ങളിലെ സ്വീകരണത്തിന് ശേഷം പരപ്പനങ്ങായില്‍ സമാപിക്കും.
മൂന്നാം ദിവസം താനൂര്‍, വട്ടത്താണി, തിരൂര്‍, ആലത്തിയൂര്‍, ചമ്രവട്ടം, മാറഞ്ചേരി, ചങ്ങരംകുളം, എടപ്പാള്‍ എന്നിവിടങ്ങളിലെ സ്വീകരണത്തിന് ശേഷം കുറ്റിപ്പുറത്ത് സമാപിക്കും. സമാപനയോഗം ബിജെപി ദേശീയ നിര്‍വാഹക സമിതിയംഗം ശോഭാ സുരേന്ദ്രന്‍ ഉദ്ഘാടനം ചെയ്യും.
പ്രതികരിക്കാൻ ഇവിടെ എഴുതുക: