ആലപ്പുഴ: പട്ടം പറത്തുന്നതിനുള്ള നിരോധന ഉത്തരവ് ലംഘിച്ച് ബീച്ചില് വീണ്ടും പട്ടങ്ങള് പറന്നു. ഓണനാളുകളിലും തുടര്ന്നുള്ള ദിവസങ്ങളിലും നൂറുകണക്കിന് പട്ടങ്ങളാണ് വൈകുന്നേരങ്ങളില് ബീച്ചില് പാറിപ്പറന്നത്. വര്ഷങ്ങള് മുമ്പ് ജില്ലാ കളക്ടറാണ് ബീച്ചില് പട്ടം പറപ്പിക്കുന്നത് നിരോധിച്ചത്. പ്രദേശത്തെ വൈദ്യുതി ലൈനുകള് തകരാറാകുന്നതിനു കാരണം പട്ടങ്ങളാണെന്ന കാരണത്താലായിരുന്നു നിരോധനം.
കടപ്പുറത്തെ ശക്തമായ കാറ്റില് ചരടുപൊട്ടിപ്പോകുന്ന പട്ടങ്ങള് ബീച്ചിനു സമീപത്തെ വൈദ്യുതി ലൈനുകളില് ചുറ്റുന്നത് പതിവായിരുന്നു. ഇത്തരത്തില് നൂലുകള് ചുറ്റുന്നതു പലപ്പോഴും ലൈന് കമ്പികള് തമ്മില് കൂട്ടിമുട്ടുന്നതിനും വൈദ്യുതി ബന്ധം തകരാറിലാകുന്നതിനും കാരണമായിരുന്നു. ബീച്ചിന് സമീപപ്രദേശത്ത് വൈദ്യുതി തകരാര് നിത്യ സംഭവമായതോടെ കെഎസ്ഇബി അധികൃതര് നടത്തിയ പരിശോധനയിലാണ് പട്ടങ്ങളാണ് വില്ലന്മാരെന്നു കണ്ടെത്തിയത്. തുടര്ന്ന് അധികൃതര് ജില്ലാ ഭരണകൂടത്തെ വിവരം ധരിപ്പിക്കുകയും ബീച്ചിലെ പട്ടംപറത്തലിനു നിരോധനം ഏര്പ്പെടുത്തണമെന്ന നിര്ദേശം മുന്നോട്ടുവയ്ക്കുകയും ചെയ്തിരുന്നു. ഇതിന്റെ അടിസ്ഥാനത്തിലായിരുന്നു പട്ടം പറത്തല് ബീച്ചില് നിരോധിച്ചത്.
